ဥရောပ ဘောလုံး အဖွဲ့ချုပ် ဥက္ကဋ္ဌ ရာထူး ကနေ ဆိုင်းငံ့ခံ ထားရတဲ့ ပလာတီနီက ရာထူး ကနေ နုတ်ထွက် လိုက်ပါပြီ။
ဖီဖာ ဘောလုံး အဖွဲ့ချုပ် စည်းကမ်း ချိုးဖောက်မှုနဲ့ အပြစ်ပေး ခံထား ရတာကို ဆွစ်ဇာလန် တရားရုံးမှာ အယူခံ ၀င်တာ ရှုံးသွား ပြီးနောက် နုတ်ထွက် လိုက်တာပါ။
တရားသူကြီး ၃ ဦး ထိုင်တဲ့ ခုံရုံးက ပလာတီနီ အပေါ် နဂိုက ချမှတ် ထားတဲ့ ၆ နှစ် ဆိုင်းငံ့ပြစ်ဒဏ်ဟာ ပြင်းထန်တယ်လို့ မှတ်ချက်ပေးပြီး ၄ နှစ် လျှော့ပေးဖို့ အမိန့်ချ လိုက်ပါတယ်။
ပလာတီနီအနေနဲ့ တရားရုံး ဆုံးဖြတ်ချက်ကို မကျေနပ်သေးရင် ဆွစ်ဇာလန်နိုင်ငံ ပြည်ထောင်စုခုံရုံး အထိ အယူခံ ၀င်နိုင်သေးတယ်လို့ ခုံရုံး အထွေထွေ အတွင်းရေးမှူးက ပြောပါတယ်။
ပလာတီနီကတော့ တရားရုံးဆုံးဖြတ်ချက်က ကြီးမားတဲ့ မတရားမှု ဖြစ်တယ်လို့ ဆိုပါတယ်။
ပလာတီနီနဲ့ ဖီဖာဥက္ကဋ္ဌ ဆပ်ဘလတ္တာတို့ဟာ ၂၀၁၁ ခုနှစ်က ပေါင် ၁ ဒသမ ၃ သန်း ငွေကြေးအပေးအယူ ကိစ္စအတွက် ဘောလုံးလောကကနေ ၈ နှစ် တားမြစ်ခံခဲ့ရပါတယ်။
နောက်ပိုင်းမှာ ပလာတီနီရဲ့ ပြစ်ဒဏ်ကို ၆ နှစ် လျှော့ပေါ့ပေးလိုက်ပါတယ်။
ပလာတီနီနဲ့ ဖီဖာဥက္ကဋ္ဌဟောင်း ဆပ်ဘလတ္တာတို့ နှစ်ဦးစလုံးကတော့ ခြစားမှုနဲ့ လာဘ်ပေးလာဘ်ယူမှု စွပ်စွဲချက်တွေကနေ ကင်းရှင်းတယ်လို့ ပြောပါတယ်။
by ဒီဗွီဘီ
Originally published at - http://burmese.dvb.no/archives/149037
No comments:
Post a Comment