မေ ၇၊ ရန်ကုန်
ဂျပန် နိုင်ငံတွင် ရက် ၂၀ ကျော်ခန့် သွားရောက် နေထိုင် လေ့ကျင့်မည့် မြန်မာ အမျိုးသမီး လက်ရွေးစင် ဘောလုံး အသင်းသည် ခြေစမ်း ခရီးစဉ် အတွင်း တရုတ် တိုင်ပေ အမျိုးသမီး လက်ရွေးစင် ဘောလုံး အသင်းနှင့် ခြေစမ်းပွဲ ကစားမည် ဖြစ်သည်။
မြန်မာအမျိုးသမီးဘောလုံးအသင်းမှာ ဂျပန်နိုင်ငံသို့ မေလ ၆ရက်က စတင်ထွက်ခွာခဲ့ပြီး တရုတ်တိုင်ပေအသင်းနှင့် မေလ ၁၆ ရက်တွင်ကစားမည်ဖြစ်သည်။
ဂျပန်ခြေစမ်း ခရီးစဉ်မှာ ကျွန်တော်တို့ ခြေစမ်းပွဲ ၅ ပွဲ ကစားဖို့ စီစဉ် ထားပါတယ်။ ဂျပန် နာမည်ကြီး ကလပ်အသင်းတွေ နဲ့လည်း ကစားဖို့ရှိနေ သလို တရုတ်တိုင်ပေ လက်ရွေးစင် အသင်းနဲ့လည်း ကစားမှာပါ။
ဒီခရီးစဉ်က အာဆီယံ ချန်ပီယံရှစ် ပြိုင်ပွဲ အတွက် အထောက် အကူ ဖြစ်စေမှာပါ။ အသင်းခြေစွမ်း တိုးတက်မှုကို ဂျပန်ခရီးစဉ်မှာ တိုင်းတာနိုင်မှာပါ။ ဟု မြန်မာ အမျိုးသမီး လက်ရွေးစင် နည်းပြ ရော်ဂျာရိုင်နာက ပြောသည်။
မြန်မာအသင်းနှင့်တရုတ်တိုင်ပေအသင်းတို့မှာ မြန်မာနိုင်ငံတွင် အိမ်ရှင်အဖြစ်လက်ခံကျင်းပခဲ့သည့် အိုလံပစ်ခြေစစ်ပွဲဒုတိယအကျော့တွင် နောက်ဆုံးတွေ့ဆုံခဲ့ပြီး မြန်မာအသင်းက ၅-၂ဂိုးဖြင့်အနိုင်ရခဲ့သည်။
မဇ္ဈိမသတင်း by - ရဲရင့်ဋ္ဌေး
Originally published at - http://mizzimaburmese.com/article/13943
No comments:
Post a Comment