 |
| မြန်မာ အမျိုးသမီး အသင်းနှင့် ကာနာဂါဝါ အသင်းတို့ ခြေစမ်းပွဲ မကစားမှီ တွေ့ရစဉ်။ (ဓာတ်ပုံ - MFF) |
မေ ၁၉၊ ရန်ကုန်
မေလ ၅ရက်မှ စတင်ကာ ဂျပန်နိုင်ငံသို့ ရောက်ရှိ နေထိုင် လေ့ကျင့်နေသော မြန်မာ့ လက်ရွေးစင် အမျိုးသမီး ဘောလုံး အသင်းသည် ခြေစမ်းပွဲ ကစားပြီးချိန် အထိ နိုင်ပွဲ မရသေးပဲ တစ်ပွဲသရေ၊ နှစ်ပွဲရှုံး ရလဒ်သာ ရရှိ ထားသည်။
မြန်မာအမျိုးသမီး အသင်းမှာ ဂျပန်ခြေစမ်း ခရီးစဉ်အတွင်း ပထမဆုံး ခြေစမ်းပွဲ အဖြစ် မေလ ၁၁ ရက်က ကာနာဂါဝါ အသင်းနှင့်တစ်ဂိုးစီ သရေကျခဲ့ပြီး မြန်မာအသင်း အတွက် လှယဉ်ဝင်းက ဂိုးသွင်းယူ ပေးနိုင်ခဲ့သည်။
ဒုတိယခြေစမ်းပွဲအဖြစ် မေလ ၁၅ရက်က တရုတ်တိုင်ပေအသင်းနှင့်ကစားခဲ့ရာ ၂ - ၀ ဂိုးဖြင့်ရှုံးခဲ့သည်။ ထို့နောက် တတိယမြောက်ခြေစမ်းပွဲအဖြစ် မေလ ၁၈ရက်က ရှီဇိုကာတက္ကသိုလ် အသင်းနှင့် ကစားခဲ့ရာ ၂ - ၁ ဂိုးဖြင့် ရှုံးခဲ့ပြီး မြန်မာအသင်း အတွက် တိုက်စစ်မှူး ရီရီဦးက သွင်းယူခဲ့သည်။
မြန်မာအမျိုးသမီးအသင်းမှာ ဂျပန်ခြေစမ်းခရီးစဉ်အတွက် နောက်ထပ်ခြေစမ်းပွဲများအဖြစ် မေလ ၂၃ရက်တွင် JEF United အသင်း၊ မေလ ၂၄ရက်တွင် Seisa Gakuen အသင်းတို့နှင့်ဆက်လက်ကစားမည်ဖြစ်သည်။
မြန်မာနိုင်ငံတွင် အိမ်ရှင်အဖြစ်လက်ခံကျင်းပမည့် ၂၀၁၆အာဆီယံအမျိုးသမီးချန်ပီယံရှစ်ပြိုင်ပွဲတွင် မြန်မာအမျိုးသမီးလက်ရွေးစင်ဘောလုံးအသင်းအောင်မြင်မှုရရန်အတွက် ဂျပန်နိုင်ငံသို့သွားရောက်နေထိုင်ကာ ပြင်ဆင်နေခြင်းဖြစ်ပြီး ဇွန်လ ၇ရက်နှင့် ၉ရက်များတွင် ကိုရီးယားအမျိုးသမီးလက်ရွေးစင်အသင်း၊ ဇူလိုင် ၉ရက်တွင် ထိုင်းအမျိုးသမီး လက်ရွေးစင် အသင်းများနှင့်လည်း ခြေစမ်းပွဲ ကစားရန် ရှိနေသည်။
မဇ္ဈိမသတင်း by - ရဲရင့်ဋ္ဌေး
Originally published at - http://mizzimaburmese.com/article/14360
No comments:
Post a Comment