ဇွန် ၄၊ ရန်ကုန်
မြန်မာ့ လက်ရွေးစင် ဘောလုံး အသင်း အနေဖြင့် 2016 AYA Bank Cup လေးနိုင်ငံ ဖိတ်ခေါ် ပြိုင်ပွဲတွင် စင်ကာပူကို ၁-၀ ဂိုးဖြင့် ရှုံးနိမ့် ခဲ့ပြီးနောက် မြန်မာ တိုက်စစ်မှူးများ စိတ်ပိုင်း ဆိုင်ရာ ကုထုံး လိုအပ်နေပြီဟု နည်းပြ ဂတ်ဇီဆီ ဖရိုင်းဒရစ်က ပွဲပြီး သတင်းစာ ရှင်းလင်းပွဲတွင် ပြောကြား ခဲ့သည်။
မြန်မာ အသင်းမှာ နည်းပြ ဂတ်ဇီဆီ လက်ထက်တွင် နိုင်ငံ တကာပွဲ ခြောက်ပွဲ ကစားခဲ့ပြီး သွင်းဂိုးနှစ်ဂိုးသာ ရရှိ ထားသည်။ လေးနိုင်ငံ ဖိတ်ခေါ်ပြိုင်ပွဲ အဖြစ် ကစားခဲ့သော စင်ကာပူနှင့် ပွဲတွင် မြန်မာ အသင်းတိုက်စစ်၌ အပြောင်း အလဲပြုလုပ် ခဲ့ပြီး ကျော်ကိုကို နေရာတွင် သန်းပိုင်နှင့် အစားထိုး ခဲ့သော်လည်း ဂိုးမရခဲ့ပဲ ရှုံးနိမ့်ခဲ့ရသည်။
‘ကစားသမားတွေရဲ့အခုအခြေအနေ ကတော့ ဘယ်လိုပြောရမှန်းတောင် မသိတော့ဘူး။ ကျွန်တော့် အနေနဲ့ တိုက်စစ်မှာ အဆုံးသတ် အားနည်းချက်တွေ အတွက် လေ့ကျင့် ပြင်
ဆင် နေပေမယ့် အခြေ အနေက ဘာမှ မပြောင်းလဲ ပါဘူး။ သူတို့ကို စိတ်ပိုင်းဆိုင်ရာ ကုထုံးတွေ လုပ်ဖို့ လိုအပ်နေပြီလို့ ထင်ပါတယ်။’ ဟု ဂတ်ဇီဆီဖရိုင်းဒရစ်ကပြောသည်။
မြန်မာ့လက်ရွေးစင် ဘောလုံး အသင်းကို နည်းပြ အေဗရာ မိုဗစ်လက်ထက်မှ ဂတ်ဇီဆီ လွှဲပြောင်း ကိုင်တွယ် ပြီးနောက် နိုင်ငံတကာ ပွဲခြောက်ပွဲနှင့် ပြည်တွင်း၌ ခြေစမ်းပွဲ တစ်ပွဲယှဉ်ပြိုင် ကစားခဲ့ရာ နိုင်ပွဲ လုံးဝ မရရှိသေးပေ။
mizzimaburmese - By : ရဲရင့်ဋ္ဌေး
Originally published at - http://mizzimaburmese.com/article/14871
No comments:
Post a Comment