ကိုပါအမေရိက ပြိုင်ပွဲတွင် နိုင်ငံတော်သီချင်း မှားတီးသဖြင့် တောင်းပန်

အမေရိကန် ပြည်ထောင်စုမှာ ကျင်းပနေတဲ့ ကိုပါ အမေရိက ဖလား ဘောလုံးပြိုင်ပွဲ အဖြစ် ဇွန် ၆ ရက်က မက္ကဆီကိုနဲ့ ဥရုဂွေး ပွဲစဉ်မှာ ဥရုဂွေး အသင်းရဲ့ နိုင်ငံတော် သီချင်းကို မှားယွင်း တီးခတ် ခဲ့ပါတယ်။

ဥရုဂွေးအသင်းက နိုင်ငံတော်သီချင်း သီဆိုရမယ့် အလှည့်မှာတော့ ချီလီနိုင်ငံတော်သီချင်းကို ပွဲစီစဉ်သူတွေက မှားယွင်း တီးခတ်ခဲ့တဲ့အတွက် ဥရုဂွေးကစားသမားတွေ ယောင်တောင်တောင် ဖြစ်ကုန်ပါတယ်။

ပြိုင်ပွဲကျင်းပတဲ့သူတွေက ဥရုဂွေး ပြည်သူတွေကို တောင်းပန်ခဲ့ပြီး လူသားတွေအနေနဲ့ အမှားမကင်းဘူးလို့ ပြောဆိုခဲ့ပါတယ်။

အုပ်စု ဂ က မက္ကဆီကိုနဲ့ ဥရုဂွေးပွဲမှာတော့ မက္ကဆီကိုက ၃ ဂိုး ၁ ဂိုးနဲ့ အနိုင်ရရှိသွားပါတယ်။

ဒီပွဲအနိုင်ကြောင့် မက္ကဆီကိုအသင်းဟာ အုပ်စု ပထမနေရာကနေ ရပ်တည်နေပြီး ဥရုဂွေးကတော့ စတုတ္ထနေရာက ရပ်တည်နေပါတယ်။

by ဒီဗွီဘီ

Originally published at - http://burmese.dvb.no/archives/153584