ဇန်နဝါရီ ၂၆၊ ဘာစီလိုနာ။ ။ စာချုပ် သက်တမ်း ကုန်ဆုံးမည့် လက်ရှိ ဘောလုံး ရာသီကုန်တွင် နူးကမ့်မှ ထွက်ခွာဖွယ် ရှိသည်ဟု သတင်းများ ထွက်နေသည့် ဘာစီလိုနာ နည်းပြ လူးဝစ် အင်းနရစ်သည် ၎င်း၏ အနာဂါတ်နှင့် ပတ်သက်သည့် မေးခွန်း များကို ဖြေကြားရန် ငြင်းဆန် လိုက်သည်။
ဘာစီလိုနာ အသင်းကို လာလီဂါတွင် အောင်မြင်မှု ဆက်တိုက် ရအောင် စွမ်းဆောင် ပေးထားသည့် စပိန် လူမျိုး နည်းပြသည် ကစားသမား များက ၎င်းကို လက်ရှိ ရာသီထက် ကျော်လွန်ပြီး အသင်းတွင် ဆက်ရှိ နေစေ လိုကြသည်ဟု ခံစားမိ သလား ဆိုသည်ကိုလည်း မှတ်ချက် ပေးရန် ငြင်းဆန်သည်။
“ကျွန်တော့်မှာ ဘာမှပြောစရာ မရှိပါဘူး”ဟု သာ အင်းနရစ်က ပြောသည်။
ဆီဗီလာအသင်းကိုရလဒ်ကောင်းအောင်စွမ်းဆောင်ပေး နေသည့် ဂျော့ခ်ျ ဆမ်ပါအိုလီသည် ဘာစီလိုနာ နည်းပြ ရာထူး အတွက် ရေးပန်းစားလျှက် ရှိသည်။
လက်ထောက်နည်းပြ ဟွမ်ကားလို့စ်အန်ဇူးဖြင့်ပင် အစားထိုး ခံရနိုင်သလား ဆိုသည့် မေးခွန်းကိုလည်း အင်းနရစ်က “ဒီမေးခွန်းက မနက်ဖြန်ပွဲနဲ့ မသက်ဆိုင် ပါဘူး”ဟု ပြန်လည်ဖြေကြား ခဲ့သည်။
၂၀၁၄ တွင် အင်းနရစ်ရောက်လာပြီးနောက် ဘာစီလိုနာအသင်းသည် ကိုပါဒယ်ရေးဖလားနှစ်လုံး၊ လာလီဂါဖလားနှစ်လုံးနှင့် ၂၀၁၅ ချန်ပီယံလိဂ်ဖလား၊ ယူအီးအက်ဖ်အေစူပါဖလား၊ စပိန်စူပါဖလားနှင့် ဖီဖာကလပ်ကမ္ဘာ့ဖလားတို့ကို ရရှိထားသည်။
သို့သော်လက်ရှိရာသီတွင် အမှတ်ပေးဇယားထိပ်ဆုံးမှ ရီးယဲလ်မက်ဒရစ်နှင့် နှစ်မှတ်သာကွာပြီး တတိယနေရာသို့ရောက်နေသည့် တိုင် ဘာစီလိုနာအသင်းမှာ ၎င်းတို့၏ အကောင်းဆုံးခြေစွမ်း မရဘဲဖြစ်နေသည်။
အသက် ၄၆ နှစ်အရွယ်နည်းပြက ၎င်းနှင့်အသင်းသားများမှာ ဆုဖလားများပိုမိုရယူနိုင်ရန် အမြဲတမ်းဆန္ဒပြင်းပြနေသည်ဟုသာ အခိုင်အမာပြောဆိုခဲ့သည်။
Ref; Mirror
From : မဇ္ဈိမ မီဒီယာ - by : ဝေဘုန်းလူ
Originally published at - http://mizzimaburmese.com/article/22798
No comments:
Post a Comment