လာလီဂါနှင့် ချန်ပီယံလိဂ် ပြိုင်ပွဲများတွင် ဆက်လက် တိုက်ပွဲဝင် သွားမည်ဟု ရီးယဲလ် နည်းပြ ဇီဒန်းပြော

ဇန်န၀ါရီ ၂၆၊ စပိန်။ ။ စပိန် ကိုပါ ဒယ်ရေး ပြိုင်ပွဲ ကွာတား ဖိုင်နယ် ဒုတိယ အကျော့တွင် ဆယ်လ်တာ ဗီဂို အသင်းနှင့် ၂ ဂိုးစီ သရေကျ ခဲ့ပြီး ပြိုင်ပွဲမှ ထွက်ခွာ ခဲ့ရသည့် ရီးယဲလ် အသင်း၏ နည်းပြ ဇီဒန်းက လာလီဂါနှင့် ချန်ပီယံလိဂ် ပြိုင်ပွဲ များတွင် ဆက်လက် တိုက်ပွဲ ၀င်သွားမည် ဖြစ်ကြောင်း ပြောဆို လိုက်သည်။

ရီးယဲလ် အသင်းသည် ပထမ အကျော့ အိမ်ကွင်းတွင် ၂-၁ ဂိုးဖြင့် ရှုံးနိမ့် ထားသည့် အတွက် နှစ်ကျော့ပေါင်း ၄-၃ ဂိုးဖြင့် ရှုံးနိမ့်ကာ ပြိုင်ပွဲမှ ထွက်ခဲ့ ရခြင်းဖြစ်သည်။

ယခု ပွဲစဉ်တွင် ဒန်နီလို၏ ကိုယ့်ဂိုး ကိုယ်သွင်း မိခဲ့မှုကြောင့် ဆယ်လ်တာ ဗီဂိုအသင်းမှာ အဖွင့်ဂိုး စတင် ရရှိခဲ့ပြီး ပွဲချိန် ၆၂ မိနစ်တွင် စီရော်နယ်ဒိုက ဖရီးကစ်မှ ချေပဂိုး
ပြန်သွင်းနိုင်ခဲ့သည်။

ထို့နောက် ၈၅ မိနစ်တွင် ၀က်စ်က ဆယ်လ်တာဗီဂိုအတွက် ဒုတိယဂိုးကို သွင်းယူပေးခဲ့ပြီး ဗက်စ်ကွက်စ်က မိနစ် ၉၀ တွင် ရီးယဲလ်အတွက် ပြန်လည်ချေပပေးခဲ့သည်။

‘ကျွန်တော်တို့ ပွဲကောင်းတစ်ပွဲ ကစားခဲ့ရတာပါ။ ရလဒ်ကြောင့် စိတ်ပျက်ခဲ့ရပေမယ့် ကျွန်တော့်အသင်းသားတွေ အကောင်းဆုံးကစားနိုင်ခဲ့ကြပါတယ်။

အချိန်အနည်းငယ်လောက်သာ ဆက်ကစားခွင့်ရရင် ကျွန်တော်တို့အနိုင်ရနိုင်ပါတယ်။ ဒါပေမဲ့ ဒါက မဖြစ်နိုင်ပါဘူး။ ရလဒ်ကို ကျွန်တော်တို့ လက်ခံရမှာပါ။ အခုတော့ လာမယ့် အမှတ်ပေးပြိုင်ပွဲ ပွဲစဉ်အတွက်ကိုပဲ စဉ်းစားရပါတော့မယ်။

ဒီအသင်းအတွက် ကျွန်တော်က တာဝန်ရှိသူပါ။ ကျွန်တော်တို့ တူညီတဲ့ ရည်မှန်းချက်လမ်းကြောင်းအတိုင်း ဆက်သွားပါမယ်။ ကျွန်တော်တို့ လုပ်နိုင်ပါတယ်။ ချန်ပီယံလိဂ်နဲ့ လာလီဂါပြိုင်ပွဲတွေမှာ ဆက်လက် တိုက်ပွဲဝင်သွားမှာပါ’ ဟု ရီးယဲလ်နည်းပြ ဇီဒန်းက ပြောဆိုခဲ့သည်။

လက်ရှိတွင် ရီးယဲလ်အသင်းသည် လာလီဂါတွင် ဒုတိယနေရာမှ ဆီဗီလာထက် တစ်ပွဲလျော့ကစားထားပြီး တစ်မှတ်အသာဖြင့် အမှတ်ပေးဇယားကို ဦးဆောင်နေကာ ချန်ပီယံလိဂ်တွင် ၁၆ သင်းရှုံးထွက်အဆင့်သို့ ရောက်ရှိနေသည်။

ရည်ညွှန်း ဂိုးလ်ဒေါ့ကွန်း

Ref; Mirror

From : မဇ္ဈိမ မီဒီယာ - by : အောင်ငြိမ်းသွေး

Originally published at - http://mizzimaburmese.com/article/22799