ဇန်နဝါရီ ၂၈၊ လန်ဒန်။ ။ ဝက်စ်ဟမ်း အသင်းသည် ဟားလ် စီးတီး ကွင်းလယ် ကစားသမား ရောဘတ် စနော့ ဂရက်ကို ပေါင် ၁၀ ဒသမ ၂ သန်းဖြင့် ခေါ်ယူ လိုက်သည်။
အသက် ၂၉ နှစ် အရွယ် စကော့တလန် ကစား သမားသည် ဝက်စ်ဟမ်း အသင်းနှင့် သုံးနှစ်ခွဲ စာချုပ် လိုက်ခြင်း ဖြစ်သည်။
“ဝမ်းသာပါတယ်။ ဝက်စ်ဟမ်း အသင်းဟာ အစဉ် အလာ ကောင်းတွေ အများကြီး ရှိခဲ့တဲ့ အသင်း ဖြစ်ပါတယ်”ဟု လက်ရှိ ရာသီတွင် ဟားလ်စီးတီး အသင်း အတွက် ပရီးမီးယား လိဂ်ပွဲ ၂၀ ကစားပြီး ခုနစ်ဂိုး သွင်းနိုင် ခဲ့သည့် စနော့ ဂရက်က ပြောသည်။
စနော့ဂရက်သည် ဆောက်သမ်တန်နောက်ခံလူ ဖွန်တီပြီးနောက် ဇန်နဝါရီလအတွင်း ဝက်စ်ဟမ်းသို့ရောက်လာသည့် ဒုတိယ မြောက် ကစား သမားဖြစ်သည်။
ဝက်စ်ဟမ်းအသင်းသည် စနော့ဂရက်ကို ဘန်လေ၊ မစ်ဒယ်ဘရော့တို့နှင့်အပြိုင်ခေါ်ယူခဲ့ရခြင်းဖြစ်ပြီး နည်းပြဘီလစ်သည် ယင်းကစားသမားကို ဗုဒ္ဓဟူးနေ့တွင် မန်စီးတီးနှင့်ကစားရမည့် ပရီးမီးယားလိဂ်အိမ်ကွင်းပွဲ၌ ပထမဆုံးအသုံးပြုဖွယ်ရှိသည်။
“အသင်းပိုင်ရှင်တွေနဲ့ နည်းပြဟာ အသင်းကိုအောင်မြင်အောင်ထူထောင်ဖို့ကြိုးစားနေကြပြီး ကျွန်တော်လည်း ပွဲထွက်ဖို့ မစောင့်နိုင်တော့ပါဘူး။
ဒီအသင်းက ကွင်းသစ်နဲ့အတူ ကစားသမားကောင်းတွေပိုင်ဆိုင်ထားတဲ့အပြင် ပရီးမီးယားလိဂ်အဆင့်နည်းပြတစ်ဦးလည်းရှိနေတဲ့ ရည်မှန်းချက်ကြီးတဲ့အသင်းတစ်သင်းလို့ ကျွန်တော်ခံစားရပါတယ်”ဟု စနော့ဂရက်က ဖြည့်စွက်ပြောဆိုသည်။
Ref; BBC
From : မဇ္ဈိမ မီဒီယာ by ဝေဘုန်းလူ
Originally published at - http://mizzimaburmese.com/article/22876
No comments:
Post a Comment