Thursday, January 19, 2017
ဆန်းချက်ဇ်နှင့် အိုဇေးလ်တို့ မပါဝင်နိုင်လျှင် အာဆင်နယ်မှာ ပြဿနာတက်ပြီဟု အဒီဘာယော ဝေဖန်
ဇန်န၀ါရီ ၂၀၊ အင်္ဂလန် ။ ။ အာဆင်နယ် အသင်းမှာ ဆန်းချက်ဇ်၊ အိုဇေးလ်တို့ နှစ်ဦးဖြင့် တည်ဆောက် ထားသည့် အသင်းဖြစ်ပြီး ၎င်းတို့နှစ်ဦး မပါဝင်နိုင် ပါက လန်ဒန် ကလပ် အသင်းမှာ ယုံကြည် စိတ်ချ၍ မရကြောင်း တိုဂို တိုက်စစ်မှူး အဒီဘာယောက ပြောဆို လိုက်သည်။
အဒီဘာယောမှာ နည်းပြအာစင်ဝင်းဂါး၏လက်အောက်တွင် ၂၀၀၆ ခုနှစ်မှ ၂၀၀၉ ခုနှစ်အထိ အာဆင်နယ်အသင်းသားအဖြစ် ကစားခဲ့သူဖြစ်သည်။
‘ အာဆင်နယ်အသင်းက အသင်းကောင်းပါ။ ဒါပေမဲ့ ဆန်းချက်ဇ်သာ ဒဏ်ရာရသွားရင် သူ့နေရာမှာ ဘယ်သူ့ကို အစားထိုးမလဲ? ကျွန်တော်မမြင်မိပါဘူး။ ချယ်လ်ဆီး အသင်းကို ကြည့်လိုက်ပါ။ ဟက်ဇက် နာသွားရင် ၀ီလျံနဲ့ အစားထိုးနိုင် သလို ၀ီလျံထပ်နာ သွားရင်တောင် မိုးဇက်နဲ့ ထပ်ပြီး အစားထိုးလို့ ရပါတယ်။
အာဆင်နယ်ရဲ့ ဒီနေ့ ပြဿနာကတော့ အိုးဇေးလ်နဲ့ ဆန်းချက်ဇ်တို့ကို အားကိုးနေရတာပါ။ သူတို့ နှစ်ယောက်ထဲက တစ်ယောက်သာ ဒဏ်ရာရသွားခဲ့ရင် အဲ့ဒါက ပြဿနာပါပဲ’ ဟု အဒီဘာယောက ပြောဆိုခဲ့သည်။
အိုဇေးလ်နှင့် ဆန်းချက်ဇ်တို့၏ စာချုပ်သက်တမ်းမှာ ၁၈ လသာ ကျန်ရှိတော့ပြီး အာဆင်နယ်အသင်းက စာချုပ်သက်တမ်းတိုးနိုင်ရန် ကြိုးပမ်းလျက်ရှိသည်။ ဆန်းချက်ဇ်မှာ ယခုနှစ်ရာသီတွင် အာဆင်နယ်အတွက် ပြိုင်ပွဲပေါင်းစုံတွင် ၁၆ ဂိုးအထိသွင်းယူပေးထားပြီး ၁၃ ကြိမ် ဖန်တီးပေးထားသူဖြစ်သည်။ အိုဇေးလ်မှာလည်း ၉ ဂိုးသွင်းယူပြီး ၇ ကြိမ်ဖန်တီးပေးထားသည်။
ရည်ညွှန်း ဆော်ကာဝေး
From : မဇ္ဈိမ မီဒီယာ - By: အောင်ငြိမ်းသွေး
Originally published at - http://mizzimaburmese.com/article/22552
Subscribe to:
Post Comments (Atom)
No comments:
Post a Comment