မြန်မာနှင့် ကမ္ဘာ အားကစားသတင်းများ ပြန်လည်မျှဝေခြင်း





ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Thursday, January 12, 2017

ဖယ်လိုင်နီကို တစ်နှစ် သက်တမ်းတိုးစာချုပ် ချုပ်ဆိုရန် မန်ယူပြင်ဆင်




ဇန်န၀ါရီ ၁၂၊ အင်္ဂလန် ။ ။ မန်ယူ အသင်းသည် ကွင်းလယ် ကစားသမား ဖယ်လိုင်နီကို တစ်နှစ် သက်တမ်းတိုး စာချုပ် ချုပ်ဆို၇န် ပြင်ဆင်နေပြီ ဖြစ်ကြောင်း ဘီဘီစီ စပို့က ဖော်ပြ သွားခဲ့သည်။

ဖယ်လိုင်နီသည် ၂၀၁၃ ခုနှစ်က ပြောင်းရွှေ့ကြေး ပေါင် ၂၇.၅ သန်းဖြင့် အဲဗာတန်မှ မန်ယူသို့ ရောက်ရှိ လာခဲ့ပြီး လေးနှစ် စာချုပ် ချုပ်ဆို ခဲ့သူဖြစ်သည်။

၎င်း၏လက်ရှိစာချုပ်မှာ ယခုနှစ် ရာသီ အကုန်တွင် ကုန်ဆုံးတော့မည် ဖြစ်ပြီး မူလက စာချုပ် သက်တမ်းတိုးရန် သေချာမှု မရှိသော်လည်း ယခု နည်းပြ မော်ရင်ဟို၏ ထောက်ခံမှု အရ မန်ယူတွင် နောက်ထပ် တစ်နှစ် ထပ်ကစားခွင့် ရတော့မည် ဖြစ်သည်။

ဖယ်လိုင်နီသည် မန်ယူက ဟားလ်စီးတီးအသင်းကို ၂-၀ ဂိုးဖြင့် အနိုင်ရခဲ့သည့် လိဂ်ဖလား ဆီမီးဖိုင်နယ် ပထမ အကျော့ ပွဲစဉ်တွင် ဂိုးသွင်း ယူနိုင်ခဲ့သော်လည်း ယခင်လက အဲဗာတန်ကို ရှုံးခဲ့သည့် ပွဲတွင် ၎င်းကြောင့်ပင်နယ်တီ ပေးခဲ့ရသည့် အတွက် ပရိသတ်များ၏ လှောင်ပြောင်ခြင်းကို ခံနေ ရသူဖြစ်သည်။

သို့သော် နည်းပြမော်ရင်ဟိုက ဖယ်လိုင်နီကို သူ၏ အသင်းတွင် အလိုရှိ နေဆဲဖြစ်သည်။

ဟားလ်စီးတီးနှင့်ပွဲစဉ်အပြီးတွင် မော်ရင်ဟိုက ‘ဖယ်လိုင်နီက စိတ်ဓာတ် ခိုင်မာတဲ့ ကစားသမား တစ်ဦးပါ။ အခြေအနေတွေကို ကောင်းကောင်း ထိန်းချုပ်နိုင်ပါတယ်။ သူက ကျွန်တော့် အတွက် အရေးပါတဲ့ ကစားသမား ဆိုတာ ဖယ်လိုင်နီကောင်းကောင်း သိပါတယ်’ ဟု ပြောဆိုခဲ့သည်။

From : မဇ္ဈိမ မီဒီယာ

Originally published at - http://mizzimaburmese.com/article/22251

No comments:

Post a Comment