ချဲလ်ဆီး အသင်း ခေါင်းဆောင် ဂျွန်တယ်ရီရဲ့ အနီကတ် ပြစ်ဒဏ်ကို အသင်းဘက်က အယူခံ ဝင်ခဲ့ပေမယ့် ပယ်ချခံ ခဲ့ရတာကြောင့် ၁ ပွဲပယ်ပြစ်ဒဏ် ချမှတ် ခံရတော့မှာ ဖြစ်ပါတယ်။
အသက် ၃၆ နှစ်ရှိ ဂျွန်တယ်ရီဟာ အက်ဖ်အေ ဖလားပွဲစဉ်ဖြစ်တဲ့ ပီတာဘရော့နဲ့ ပွဲမှာ အသင်းခေါင်းဆောင် အဖြစ် ပွဲထွက် ကစားခဲ့ပြီး တိုက်ရိုက် အနီကတ်နဲ့ ထုတ်ပယ်ခံ ခဲ့ရတာ ဖြစ်ပါတယ်။
ဂျွန်တယ်ရီ အနေနဲ့ ၁ ပွဲပယ် ပြစ်ဒဏ်ကြောင့် လာမယ့် ဇန်နဝါရီ ၁၄ ရက်နေ့မှာ ကစားမယ့် လက်စတာ စီးတီးနဲ့ပွဲကို လွဲချော်မှာ ဖြစ်ပါတယ်။
ချဲလ်ဆီး အသင်းဟာ ပီတာဘရော့နဲ့ ပွဲမှာ တယ်ရီ အထုတ်ခံ ခဲ့ရပေမယ့် ၄ ဂိုး ၁ ဂိုးနဲ့ အနိုင်ရ ခဲ့ပါတယ်။
ဂျွန်တယ်ရီဟာ ချဲလ်ဆီးအသင်းနဲ့ ရာသီအကုန်မှာ စာချုပ်သက်တမ်း ကုန်ဆုံးမှာဖြစ်ပြီး လက်ရှိ အချိန်အထိ အသင်းနဲ့ ၈ ပွဲပဲ ပွဲထွက် ကစားခွင့် ရရှိ ထားပါတယ်။
ဓါတ်ပုံ - ရိုက်တာ
From : ဒီဗွီဘီ
Originally published at - http://burmese.dvb.no/archives/183685
No comments:
Post a Comment