ထိုင်းနိုင်ငံမှာ ကျင်းပ နေတဲ့ အာဆီယံ ဖူဆယ် ချန်ပီယံရှစ် ပြိုင်ပွဲ ဗိုလ်လုပွဲကို မြန်မာနဲ့ ထိုင်း အသင်းတို့ ဒီကနေ့ ညနေ ၆ နာရီခွဲမှာ ယှဉ်ပြိုင် ကစား ကြမှာ ဖြစ်ပြီး ဒီပွဲစဉ်ကို မြန်မာ့အသံ တိုက်ရိုက် ထုတ်လွှင့် ပြသ သွားမှာပါ။
မြန်မာ အသင်းဟာ အကြို ဗိုလ်လုပွဲမှာ အရှေ့တီမော အသင်းနဲ့ ကစားခဲ့ တာဖြစ်ပြီး ပွဲစဉ် တလျှောက်လုံး အသားစီးနဲ့ ကစားပြီး ၈ ဂိုး ၃ ဂိုးနဲ့ အနိုင်ရ ခဲ့တာပါ။
အိမ်ရှင် ထိုင်းအသင်းက မလေးရှားနဲ့ တွေ့ဆုံခဲ့ပြီး နောက်ကျဂိုးတွေနဲ့အတူ ၅ ဂိုး ၃ ဂိုးနဲ့ အနိုင်ရ ခဲ့ပါတယ်။
မြန်မာဖူဆယ် အသင်းအနေနဲ့ ဒီပြိုင်ပွဲမှာ ဗိုလ်လုပွဲ တက်ခဲ့တာဟာ သမိုင်းတလျှောက် ပထမဆုံး အကြိမ်ဖြစ်ပြီး အမြင့်ဆုံး အောင်မြင်မူ အနေနဲ့ စတင် ဝင်ပြိုင်ခဲ့တဲ့ ၂၀၀၆ ခုနှစ်ပြိုင်ပွဲမှာ တတိယပဲ ရခဲ့ ဖူးတာဖြစ်ပါတယ်။
မြန်မာဖူဆယ်အသင်းဟာ အုပ်စုပွဲစဉ်တွေမှာလည်း လာအိုကို ၆ ဂိုး ၁ ဂိုး၊ အင်ဒိုနီးရှားကို ၆ ဂိုး ၃ ဂိုး၊ မလေးရှားကို ၅ ဂိုး ၃ ဂိုး ရလဒ်တွေနဲ့ ပွဲတိုင်း အနိုင်ရခဲ့ပါတယ်။
From : ဒီဗွီဘီ
Originally published at - http://burmese.dvb.no/archives/186517
No comments:
Post a Comment