ဖေဖော်ဝါရီ ၉၊ လန်ဒန်
အိုဇေးလ် အနေဖြင့် အဓိက ဖလားများ လိုချင်သည် ဆိုလျှင် အာဆင်နယ်ကို စွန့်ခွာပြီး ဘိုင်ယန် မြူးနစ်သို့ ပြောင်းခြင်းက သာလျှင် ပိုကောင်း လိမ့်မည်ဟု ချယ်လ်ဆီးနှင့် ဂျာမနီ ကွင်းလယ် ကစားသမားဟောင်း မိုက်ကယ် ဘားလက်က ပြောသည်။
အိုဇေးလ်သည် အာဆင်နယ်တွင် သုံးနှစ်ခွဲ သက်တမ်း အတွင်း အက်ဖ်အေ ဖလားနှစ်လုံး ရရှိ ထားသည်။
အာဆင်နယ်အသင်း ပရီးမီးယားလိဂ် ဖလားပြန်လည် ရယူရေးကြိုးပမ်းမှု အောင်မြင်ဖွယ် မရှိပြန်သည့် အခြေ အနေကြုံ လာပြီးနောက် အိုဇေးလ်၏ အမ်းမရိတ်စ် အနာဂါတ် သံသယများ ပိုမို အားကောင်း လာခဲ့သည်။
ဘိုင်ယန်မြူးနစ်နှင့် ချယ်လ်ဆီးတွင် ကစား ခဲ့ဖူးသည့် ဘားလက်က အိုဇေးလ်သည် မိမိ ကိုယ်ကိုယ် အာဆင်နယ် အသင်း၏ အကောင်းဆုံး ကစားသမား များထဲမှ တစ်ဦးဖြစ်ကြောင်း သိရှိထားမည်ဟု ယုံကြည်ကြောင်းနှင့် အဓိက ဆုဖလားများ ရယူရေးမှာ အဓိက ရည်မှန်းချက် ဆိုလျှင် အမိမြေသို့ပြန်လည်ပြောင်းရွှေ့ခြင်းက ပိုကောင်းမည်ဟု ပြောသည်။
“အိုဇေးလ်က ထူးခြားတဲ့ကစားသမားတစ်ယောက်ပါ။ အာဆင်နယ်ရဲ့အကောင်းဆုံးတွေထဲကတစ်ယောက် ဆိုတာကိုလည်း သူ့ကိုယ်သူသိပါတယ်။
အသင်းအတော်များများက သူ့ကိုပိုင်ဆိုင်ချင်ကြပါတယ်။ ဒါပေမဲ့ သူ့အနေနဲ့ အဓိကဆုဖလားတွေလိုချင်တယ်ဆိုရင်တော့ ဘိုင်ယန်မြူးနစ်မှာရဖို့ အခွင့်အလမ်းပိုကြီးပါလိမ့်မယ်”ဟု ဘားလက်က စပို့ဘေ့တ်သို့ ပြောသည်။
အိုဇေးလ်အနေဖြင့် ဘိုင်ယန်မြူးနစ်သို့ပြောင်းရန်မစဉ်းစားမီ ချန်ပီယံလိဂ်တွင်ယင်းအသင်းကိုအနိုင်ရရန် ဦးစွာအာရုံစိုက်ရ မည်ဖြစ်သည်။
အာဆင်နယ်အသင်းသည် လာမည့်တစ်ပတ်တွင် ချန်ပီယံလိဂ် ၁၆ သင်းအဆင့်ရှုံးထွက် ပထမအကျော့အတွက် ဘိုင်ယန်မြူးနစ် ကွင်းသို့သွားရောက်ယှဉ်ပြိုင်ရမည်ဖြစ်သည်။
စာချုပ်သက်တမ်း ၁၇ လသာကျန်တော့သည့် အိုဇေးလ်သည် အာဆင်နယ်အသင်းနှင့် စာချုပ်သစ်ချုပ်ရန် တုန့်ဆိုင်းလျှက် ရှိသည်။
Ref; Daily Mail
From : မဇ္ဈိမ မီဒီယာ by ဝေဘုန်းလူ
Originally published at - http://mizzimaburmese.com/article/23356
No comments:
Post a Comment