သုံးမိနစ်အတွင်း နှစ်ဂိုးသွင်းပြီး လီဗာပူး အနိုင်ရ၊ မန်စီးတီးလည်း ဂိုးပြတ်နိုင်ပွဲရ

ဒီကနေ့ ညမှာ မန်စီးတီးရော၊ လီဗာပူးပါ နိုင်ပွဲ ရလိုက်တဲ့ အတွက် အာဆင်နယ်နဲ့ မန်ယူ အသင်းတို့ အတွက် ချန်ပီယံလိဂ် ဝင်ခွင့်ရဖို့ဟာ ပိုပြီး စိုးရိမ်စရာ ဖြစ်လာ ခဲ့ပါပြီ။

မန်စီးတီး အသင်းက အိမ်ကွင်းမှာ ဟားလ်စီးတီး အသင်းကို တိုက်စစ်မှူး အဂူရို၊ ဖေဘီယန်ဒက်ဖ် တို့ရဲ့ဂိုးတွေ အပြင် O.G ဂိုးတစ်ဂိုးပါ ရခဲ့ပြီး ဂိုးပြတ် အနိုင်ရ ခဲ့တာ ဖြစ်ပါတယ်။

၃၁ မိနစ်မှာ ဟားလ်စီးတီးအသင်း ကိုယ့်ဂိုးကိုယ် သွင်းမိလိုက်တဲ့အတွက် မန်စီးတီး ဂိုးပြတ်နိုင်ဖို့ ပိုလွယ်ကူသွားခဲ့တာဖြစ်ပါတယ်။ ညာခြမ်းက ဖြတ်တင်လိုက်တဲ့ ဘောလုံးကို အယ်မိုဟာမက်ဒီ ဖျက်ထုတ်ရာမှာ ဂိုးသွင်း မိသွားတာ ဖြစ်ပါတယ်။

နောက်တစ်ခါ ဒုတိပိုင်းပြန်စပြီး သုံးမိနစ်အကြာမှာ ဒုတိယဂိုး ထပ်ရပြန်ပါတယ်။ စတာလင်က နောက်ခံလူတွေကို လိမ်ခေါက်ပြီး ဖြတ်ပို့ပေးတဲ့ ဘောလုံးကို အဂူရို အသင့် အနေအထား စောင့်ဆိုင်းပြီး ကန်သွင်းယူလိုက်တာဖြစ်ပါတယ်။ ဟားလ်စီးတီးနောက်တန်းအတွက်တော့ မန်စီးတီး အသင်းတိုက်စစ်က အရမ်းကောင်းမွန်နေခဲ့လို့ မယှဉ် နိုင်ခဲ့တာပါ။

၆၄ မိနစ်မှာ မန်စီးတီး တတိယဂိုးထပ်ရပြန်ပါတယ်။ ညာခြမ်းကနေ စတာလင် ပေးလိုက်တဲ့ဘောလုံးကို ဘီးကုပ်စက်ဝိုင်းထပ်ကနေ ကန်သွင်းယူလိုက်တာ ဖြစ်ပါတယ်။

၈၆ မိနစ်မှာ ဧည့်သည်ဟားလ်စီးတီးအသင်းအတွက် နောက်ခံလူ ရာနော့ချီယာက နှစ်သိမ့်ဂိုးတစ်ဂိုး ပြန်သွင်းပေးနိုင်ခဲ့ပါသေးတယ်။ တစ်ဖက်မှာ လီဗာပူးအသင်း ကတော့ စတုတ်စီးတီးကို အဖွင့်ဂိုးအရင်ပေးခဲ့ရပေမယ့် ဒုတိယပိုင်းသွင်းဂိုးတွေနဲ့ အနိုင်ရခဲ့တာပါ။

၄၄ မိနစ်မှာ စတုတ်စီးတီး အဖွင့်ဂိုးကို ဝေါ်လ်တာက သွင်းယူပေးခဲ့တာပါ။ ဒါပေမယ့် မိနစ် ၇၀ မှာ ကော်တင်ဟိုက ချေပဂိုးသွင်းပေးခဲ့ပြီး နောက်ထပ်နှစ်မိနစ်အကြာမှာ ဖာမီနိုကဆီက ဒုတိယဂိုးသွင်းလိုက်နိုင်တဲ့အတွက် စတုတ်စီးတီး အငိုက်မိသွားခဲ့ပါတယ်။

သုံးမိနစ်အတွင်း သွင်းတဲ့ နှစ်ဂိုးကြောင့် လီဗာပူးအနိုင်ရခဲ့ပြီး တတိယနေရာမှာ ဆက်လက်ရပ်တည်နိုင်ခဲ့ပါတယ်။ အခြားပွဲစဉ်တွေမှာတော့ ဆောက်သမ်တန်က ဝက်စ်ဘရွန်းကို တစ်လုံးတည်းသောဂိုးနဲ့ ကပ်အနိုင်ယူပြီး ဝက်စ်ဟမ်းက အိမ်ကွင်းမှာ ဆွမ်ဆီးကို အနိုင်ယူခဲ့ပါတယ်။

ှSource : Daily Mail

From : Duwun by KK

Originally published at - http://www.duwun.com.mm/sports/epl/-id6500818.html