Sunday, June 25, 2017
မန်စီးတီးတွင်သာ အဂူရိုဆက်ရှိမည်ဟု အေးဂျင့်ဖြစ်သူ ပြော
အင်္ဂလန်၊ ဇွန် ၂၅ ။ ။ ပီအက်စ်ဂျီ အသင်းက စိတ်ဝင် စားနေ သည်ဟု သတင်းများ ထွက်ပေါ် နေသော်လည်း အဂူရိုအနေဖြင့် မန်စီးတီး အသင်းတွင်သာ ဆက်ရှိနေ မည်ဖြစ်ကြောင်း အေးဂျင့် ဖြစ်သူ ဟာနန်ရီဂူရာက ပြောဆိုလိုက်သည်။
ပီအက်စ်ဂျီ အသင်းက အဂူရိုကို ပေါင်သန်း ၆၀ ဖြင့် ခေါ်ယူရန် ကြိုးပမ်း နေသည်ဟု သတင်းများက ဆိုသော်လည်း အေးဂျင့် ရီဂူရာက ပြင်သစ် ကလပ် အသင်း အနေဖြင့် တရားဝင် ကမ်းလှမ်းမှုမျိူး လုံးဝ မရှိ ခဲ့ကြောင်း ဆိုသည်။
အဂူရိုသည် မန်စီးတီးအသင်း၏ အဓိကတိုက်စ်မှူးတစ်ဦးဖြစ်ခဲ့သော်လည်း နည်းပြ ဂွါဒီယိုလာလက်ထက်တွင် ရုန်းကန်ရလျက်ရှိသည်။ ဂွါဒီယိုလာသည် ဘရာဇီးလူငယ်တိုက်စစ်မှူးဂျီးဆပ်ကို ဦးစားပေးတိုက်စစ်မှူးအဖြစ် အသုံးပြုနေသောကြောင့် အဂူရိုမှာ အသင်းပြောင်းတော့မည်ဟု သတင်းများ ကျယ် ကျယ်ပြန့်ပြန့် ထွက်ပေါ်နေသည်။
သို့သော် အေးဂျင့်ရီဂူရာက ‘အဂူရို မန်စီးတီးမှာ ဆက်ရှိနေမှာပါ။ ဒါက သံသယဖြစ်စရာ မလိုသလို စိုးရိမ်စရာလည်း မလိုပါဘူး။ ပီအက်စ်ဂျီအသင်းက စိတ်ဝင်စားနေတယ်ဆိုပေမယ့် တရားဝင်ကမ်းလှမ်းမှု မရှိပါဘူး။
အဂူရိုရဲ့ စာချုပ်သက်တမ်းက ၂ နှစ်ကျန်ပါသေးတယ်။ အဂူရိုမန်စီးတီးမှာ ပျော်နေပါတယ်။ မန်စီးတီးကနေ ထွက်ခွာသွားမယ်ဆိုတဲ့ အခြေအနေမျိုးမရှိသေးပါဘူး။
နည်းပြဂွါဒီယိုလာနဲ့ဆက်ဆံရေးကလည်း ကောင်းပါတယ်။ အဂူရိုအနေနဲ့ လာမယ့်နှစ်မှာ မန်စီးတီးအသင်းကို ချန်ပီယံလိဂ်ဖလားနဲ့ပရီးမီးယားလိဂ်ဖလားကို ရယူပေးချင်နေပါတယ်’ ဟု ပြောဆိုခဲ့သည်။
ရည်ညွှန်း ဒေးလီးမေးလ်
From : မဇ္ဈိမ မီဒီယာ by အောင်ငြိမ်းသွေး
Originally published at - http://www.mizzimaburmese.com/article/28570
Subscribe to:
Post Comments (Atom)
No comments:
Post a Comment