မြန်မာနှင့် ကမ္ဘာ အားကစားသတင်းများ ပြန်လည်မျှဝေခြင်း





ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Wednesday, October 7, 2015

ဆယ်လ်တာဗီဂို အကျော်အမော် Nolito ကို ပစ်မှတ် ထားနေတဲ့ အာဆင်နယ်




အာဆင်နယ် အသင်းဟာ တိုက်စစ်မှူး လိုအပ်ချက် အတွက် စပိန် ကစားသမား Nolito ကို ပစ်မှတ် ထားနေ တယ်လို့ သိရပါတယ်။

နည်းပြ Wenger ဟာ လာမယ့် ဆောင်းရာသီ အပြောင်း အရွှေ့မှာ အရည်အသွေးမှီ တိုက်စစ်မှူး တစ်ဦးကို ခေါ်ယူမှာဖြစ်ပြီး ယခုတည်းက စောင့်ကြည့် နေတာပါ။

Nolito ဟာ ဆယ်လ်တာဗီဂိုအသင်းမှာ ခြေစွမ်းပြကစားနေပြီး စပိန်လက်ရွေးစင်အသင်းအတွက် Diego Costa ကို ကျော်ပြီး ရွေးချယ်ခံထားရတာပါ။ အသက် ၂၈ နှစ်အရွယ် ကစားသမားဟာ လျင်လျင်မြန်မြန်နဲ့ ထိုးဖောက် ကစားတတ်ပြီး အဆုံးသတ် သေချာတဲ့သူ ဖြစ်တာကြောင့် Wenger က သဘောတွေ့ နေတာပါ။

သူဟာ ဆယ်လ်တာဗီဂို အတွက် ယခုရာသီမှာ ငါးဂိုး သွင်းယူ ပေးထားပြီး အသင်းဖော်တွေ ဂိုးရရှိ အောင်လည်း စွမ်းဆောင် ပေးနိုင်နေ တာကြောင့် အသင်းကြီး အများစုက မျက်စိကျ နေကြတာပါ။

Arsene Wenger ကတော့ ဒီကစားသမားကို အဓိက ပစ်မှတ်ထားနေပြီး လက်ဦးမှု ရယူနိုင်ဖို့ ကြိုးစားနေတာပါ။

သူဟာ ကစားပုံလေးပင်တဲ့ Giroud နဲ့ Welbeck တို့နေရာမှာ သွက်လက်တဲ့ ကစားဟန်ရှိတဲ့ ကစားသမားကို ရှာဖွေနေပြီး ဒုတိယ ပစ်မှတ်အနေနဲ့ ရုရှားကလပ် ဒိုင်နမိုမော်စကိုက တိုက်စစ်မှူး Aleksandr Kokorin ကိုလည်း စောင့်ကြည့်နေ တယ်လို့ သိရ ပါတယ်။ Kokorin ကိုခေါ်ယူဖို့ အာဆင်နယ်အသင်းဟာ Deadline day တုန်းကလည်း ကြိုးပမ်းဖူးပြီး မအောင်မြင် ခဲ့ဘူးလို့ သိရပါတယ်။

ဒါကြောင့် တိုက်စစ်မှူး နေရာလိုအပ်ချက် ရှိနေတဲ့ အာဆင်နယ် အသင်းကို ကမ္ဘာ့အဆင့် ရှိတဲ့ ကစားသမားတွေ ရောက်လာအုံးမှာလား ဆိုတာကတော့ စောင့်ကြည့်ရ ပါလိမ့်မယ်။

Original link - http://sports.thithtoolwin.com/2015/10/nolito.html


No comments:

Post a Comment