ဆိုင်မွန်(အားကစား): နစ္စတယ်ရွိုင်း၏ ပရီးမီးယားလိဂ် ၁၀ ပွဲဆက် ဂိုးသွင်း စံချိန်ကို ဗာဒီ လိုက်မှီ

Sunday, November 22, 2015

နစ္စတယ်ရွိုင်း၏ ပရီးမီးယားလိဂ် ၁၀ ပွဲဆက် ဂိုးသွင်း စံချိန်ကို ဗာဒီ လိုက်မှီ

လက်စတာ စီးတီး တိုက်စစ်မှူး ဂျေမီဗာဒီသည် နယူးကာဆယ် အသင်းအား လက်စတာ အသင်းက အနိုင်ရရှိသည့် ပွဲတွင် အနိုင်ဂိုး တစ်ဂိုး သွင်းယူပေးနိုင် ခဲ့သည့်အတွက် မန်ယူ တိုက်စစ်မှူးဟောင်း ရုဒ်ဗန်နစ္စတယ်ရွိုင်း၏ ပရီးမီးယားလိဂ် ၁၀ ပွဲဆက် ဂိုးသွင်း စံချိန်ကို လိုက်မှီ သွားခဲ့ပြီ ဖြစ်သည်။

လက်စတာအသင်းသည် နယူးကာဆယ်အသင်းကို အဝေးကွင်းတွင် ၀-၃ ဂိုးဖြင့်အနိုင်ရခြင်းဖြစ်ပြီး ဗာဒီက ဦးဆောင်ဂိုးကို စတင်သွင်းယူခဲ့ကာ ကျန်နှစ်ဂိုးကို အူလိုအာနှင့် အိုကာဇာကီတို့က သွင်းယူပေးခဲ့သည်။

မန်ယူတိုက်စစ်မှူးဟောင်း နစ္စတယ်ရွိုင်း၏ ၁၀ ပွဲဆက် ဂိုးသွင်းနိုင်မှုမှာ ရာသီနှစ်ခုတွင် သွင်းယူခြင်းဖြစ်ပြီး ဗာဒီမှာ တစ်ရာသီတည်းတွင် သွင်းယူနိုင်ခြင်းဖြစ်သည့်အတွက် ရာသီတစ်ခုအတွင်း ၁၀ ပွဲဆက်ဂိုးသွင်းနိုင်သည့် ပထမဆုံးကစားသမားလည်း ဖြစ်လာခဲ့သည်။

ဗာဒီသည် ထိုပရီးမီးယားလိဂ် ၁၀ ပွဲတွင် သွင်းဂိုးပေါင်း ၁၂ ဂိုးအထိသွင်းယူထားသည်။ သြဂုတ်လ ၂၉ ရက်နေ့က ဘုန်းမောက်အသင်းနှင့် ၁-၁ သရေကျခဲ့သည့်ပွဲမှ စတင်ကာ ဂိုးသွင်းယူခဲ့ပြီး ယခု နယူးကာဆယ်နှင့်ပွဲစဉ်အထိ ဂိုးသွင်းယူနိုင်ခဲ့သည်။ ဗာဒီသည် စုစုပေါင်း ၁၃ ဂိုးသွင်းယူထားပြီး ပရီးမီးယားလိဂ်၏ ဂိုးသွင်းအများဆုံးကစားသမားအဖြစ် ရပ်တည်နေသည်။

ဗာဒီသည် လာမည့် မန်ယူနှင့် ပွဲစဉ်တွင် နစ္စတယ်ရွိုင်း၏ စံချိန်ကို ဖြတ်ကျော်ရန် အခွင့်အရေး ရရှိနေပြီ ဖြစ်သည်။

ဗာဒီသည် ယခုပွဲ မတိုင်မှီက ကြံ့ခိုင်မှု မပြည့်ဝသည့် အတွက် အင်္ဂလန် အသင်း၏ ပွဲစဉ်များတွင် ပါဝင်နိုင်ခြင်း မရှိခဲ့ပေ။ နောက်ဆုံး အချိန်ရောက်မှ ဆေးစစ်မှုများ ပြုလုပ်ခဲ့ပြီး ပါဝင် ကစား ခဲ့ခြင်းဖြစ်သည်။

ယခုပွဲတွင် လက်စတာအသင်းအနိုင်ရပြီး မန်စီးတီးနှင့်အာဆင်နယ်တို့ ရှုံးနိမ့်ခဲ့ကြသည့်အတွက် လက်စတာအသင်းမှာ ရမှတ် ၂၈ မှတ်ဖြင့် အမှတ်ပေးဇယားထိပ်ဆုံးကိုရောက်ရှိသွားပြီဖြစ်သည်။

၎င်းတို့၏နောက်တွင် မန်ယူ ၂၇ မှတ်၊ မန်စီးတီး ၂၆ မှတ်၊ အာဆင်နယ် ၂၆ မှတ်တို့ဖြင့် အစဉ်လိုက်ရပ်တည်လျက်ရှိသည်။

ဗာဒီ၏ ပရီးမီးယားလိဂ် ၁၀ ပွဲဆက် သွင်းဂိုးများ