ဒီဇင်ဘာ ၂၆ ရက်က ရန်ကုန်ယူနိုက်တက်နှင့် Horizon အသင်း ခြေစမ်းပွဲ ယှဉ်ပြိုင်နေစဉ် (ဓါတ်ပုံ - YUFC)
၂၀၁၆ ရာသီသစ် အတွက် ပြင်ဆင် မှုများ ဆက်လက် ပြုလုပ်နေသည့် မြန်မာလိဂ် ကလပ်အသင်းများ အနက် ရှမ်း ယူနိုက်တက်နှင့် ချင်း၊ ရန်ကုန်နှင့် မနောမြေ အသင်းတို့ ခြေစမ်းပွဲများ ယှဉ်ပြိုင် ကစားမည် ဖြစ်ကြောင်း သတင်း ရရှိသည်။
လက်ရှိ မြန်မာနေရှင်နယ် လိဂ် ချန်ပီယံ ရန်ကုန် ယူနိုက်တက် အသင်းသည် လိဂ်-၂ ကလပ် မနောမြေ အသင်းနှင့် ဒီဇင်ဘာ ၂၉ ရက် ညနေ ၃ နာရီခွဲတွင် ရန်ကုန် အသင်း၏ လေ့ကျင့်ရေး ကွင်း၌ ယှဉ်ပြိုင် ကစားမည် ဖြစ်ပြီး ယင်း ခြေစမ်းပွဲမှာ ရာသီသစ် အတွက် အသင်း၏ နောက်ဆုံး ခြေစမ်းပွဲ ဖြစ်ကြောင်း နည်းပြ အီမာဆင်က ဆိုသည်။
‘‘ဇန်န၀ါရီ ၃ ရက်မှာ ဧရာဝ တီအသင်းနဲ့ ချာရတီဖလားယှဉ် ပြိုင်ရမှာဖြစ်လို့ မနောမြေအသင်း နဲ့ ခြေစမ်းပွဲက ဒီရာသီနောက်ဆုံး ခြေစမ်းပွဲဖြစ်လာမှာပါ’’ဟုရန်ကုန် အသင်းနည်းပြ အီမာဆင်ကဆက် လက်ပြောသည်။
အလားတူ ရှမ်းယူနိုက်တက် အသင်းသည် ဒီဇင်ဘာ ၃၁ ရက် တွင် ချင်းယူနိုက်တက်အသင်းနှင့် သုဝဏ္ဏစက်ဘီးလေ့ကျင့်ရေးကွင်း၌ ခြေစမ်းကစားမည်ဟု ရှမ်းယူနိုက်တက်အသင်း တာဝန်ရှိသူ တစ်ဦးကပြောသည်။
ပြီးခဲ့သည့် ခြေစမ်းပွဲများတွင် ရန်ကုန်ယူနိုက်တက်က Horizon အသင်းကို ၄-၁ဂိုး ဖြင့် ဂိုးပြတ်အနိုင်ရရှိခဲ့ပြီး မနောမြေအသင်းက ရှမ်းယူနိုက်တက်အသင်းကို သရေရလဒ်ထွက်ပေါ်အောင် ကစားထားသည်။
ထို့အတူ ရာသီသစ်အတွက် ပြည်ပကစားသမား အမြောက်အ မြား ခေါ်ယူခြေစမ်းလျက်ရှိသည့် ချင်းယူနိုက်တက်အသင်းသည် နာမည်ကြီး ဧရာဝတီယူနိုက်တက် အသင်းကို ၂-၁ ဂိုးဖြင့် အနိုင်ရရှိ ထားသည်။
By - ဘိုဘိုမင်း
Originally published at - http://www.7daydaily.com/story/54261
No comments:
Post a Comment