ဒီဇင်ဘာ ၃၀၊ လန်ဒန်
ပရီးမီးယားလိဂ် ဖလား ရမည် ထင်သောကြောင့် အာဆင်နယ် အသင်းသို့ ပြောင်းလာခြင်း ဖြစ်သည်ဟု ဂိုးသမား ပီတာချက်က ပြောဆို လိုက်သည်။
ချက် လက်ရွေးစင် ဂိုးသမားသည် ၁၁ နှစ်ကြာ ကစား ခဲ့သော ချယ်လ်ဆီး အသင်းကို စွန့်ခွာပြီး ဇွန်လတွင် လန်ဒန် ပြိုင်ဘက် အာဆင်နယ် အသင်း နှင့် စာချုပ် ခဲ့သူဖြစ်သည်။
အသက် ၃၃ နှစ် အရွယ်ရှိ ပီတာချက်သည် အာဆင်နယ် အသင်းကို ပရီးမီးယားလိဂ် ဇယားထိပ် ရောက်အောင် ကူညီပေးထားပြီး ဘုန်းမောက်ကို ၂-၀ ဖြင့်နိုင်သည့် ပွဲတွင် ဒေးဗစ်ဂျိမ်းစ်၏ ပရီးမီးယားလိဂ် ဂိုးမပေး ရသော စံချိန်ကို ချိုးဖျက်နိုင် ခဲ့သည်။
"လွယ်ကူတဲ့ ဆုံးဖြတ်ချက်တော့ မဟုတ်ပေမယ့် ဗိုလ်စွဲနိုင်ချေ ရှိတဲ့ အသင်းကိုတော့ အမြဲပြောင်း ချင်ခဲ့ ပါတယ်။ ယုံကြည်မှု မရှိရင် ဘာကြောင့် ပြောင်းဖြစ် ခဲ့သလဲ အကြောင်းပြချက် ရှာတွေ့မှာ မဟုတ်ပါဘူး။
ဘောလုံးကို ပျော်ရွှင်မှုအတွက်သာမကဘဲ အကောင်းဆုံးဆိုတဲ့ကစားသမားတွေနဲ့ ယှဉ်ပြိုင်ရတာကို မြတ်နိုးလို့အပြင် အနိုင်ရချင်လို့ ကစားနေတာလည်း ပါပါတယ်"ဟု ပီတာချက်က မယ်ရာသတင်းစာနှင့်အင်တာဗျူးတွင် ပြောသည်။
လက်ရှိတွင် ဂိုးကွာခြားချက်အသာဖြင့် အမှတ်ပေးဇယားထိပ်ဆုံးရောက်နေသော အာဆင်နယ်အသင်းသည် ၂၀၀၃-၀၄ နောက်ပိုင်း ကတည်းက စောင့်ဆိုင်းနေရသော ပရီးမီးယားလိဂ်ဖလားကိုရတော့မည်ဟုလည်း ချယ်လ်ဆီးနှင့် ပရီးမီးယားလိဂ်ဖလားလေးလုံးရဖူးသည့် ပီတာချက်က ထင်မြင်နေသည်။
Ref; goal.com
မဇ္ဈိမသတင်း by mizzima
Originally published at - http://mizzimaburmese.com/article/9210
No comments:
Post a Comment