မန်ချက်စတာ၊ ဒီဇင်ဘာ ၂၀
မန်ယူ တိုက်စစ်မှူး အန်တိုနီ မာရှယ်သည် အသက် ၂၁ နှစ်အောက် ကစားသမား များကိုသာ ရွေးချယ် aပးအပ်သည့် ဥရောပ လူငယ် အကောင်းဆုံး ဘောလုံး သမားဆုကို ဆွတ်ခူးရ ရှိခဲ့သည်။
အသက် ၁၉ နှစ် အရွယ်ရှိပြင်သစ် တိုက်စစ်မှူးသည် ဘိုင်ယန်မြူးနစ် အသင်းမှာ ကိုမန်း၊ မန်ယူ အသင်းဖော် များဖြစ်သည့် လုခ်ရှောနှင့် ယာနူဇေးတို့ကို ကျော်ဖြတ်ပြီး ဆုရရှိ ခဲ့ခြင်း ဖြစ်သည်။
မာရှယ်သည် ယခုနှစ်ဘောလုံးရာသီအစတွင် ပြောင်းရွှေ့ကြေး ပေါင် ၃၆ သန်းဖြင့် မိုနာကိုမှ မန်ယူသို့ ရောက်ရှိလာပြီး ခြေစွမ်းပြကစားကာ ဂိုးများသွင်းယူပေးနိုင်ခဲ့ခြင်းကြောင့် ဆုကို ရရှိခဲ့ခြင်း ဖြစ်သည်။
ဥရောပလူငယ်အကောင်ဆုံးဘောလုံးသမားဆုကို ပြီးခဲ့သည့်နှစ်က မန်စီးတီးတောင်ပံတိုက်စစ်ကစားသမား စတာလင်းက ရရှိခဲ့သည်။ ထိုဆုကို အီတာလျံသတင်းစာ Tuttosport က ၂၀၀၃ ခုနှစ်မှ စတင်ပြီး ပေးအပ်ခဲ့ခြင်းဖြစ်သည်။ ယခင်က ထိုဆုကို ၀ိန်းရွန်နီ၊ အဂူရို၊ မက်ဆီ၊ ဂေါ့ဇီနှင့် ပေါ့ဂ်ဘာတို့လည်း ရရှိခဲ့ဖူးသည်။
ရည်ညွှန်း ဒေးလီးမေးလ်
မဇ္ဈိမ မာလ်တီမီဒီယာ by mizzima
Original link - http://mizzimaburmese.com/article/8770
No comments:
Post a Comment