ဟံသာဝတီ အသင်းနှင့် ပြန်လည် ပူးပေါင်းမည့် နည်းပြ ဆီဗာဂျီ။
ဒီဇင်ဘာ ၈၊ ရန်ကုန်
ဟံသာဝတီ ယူနိုက်တက် အသင်းသည် ပြီးခဲ့သည့် ၂၀၁၅ ဘောလုံး ရာသီက အသင်းကို တာဝန် ယူခဲ့သော နည်းပြဟောင်း ဆီဗာဂျီနှင့် တိုက်စစ်မှူးဟောင်း ဘမ်ဘာတို့ကို လာမည့် ဘောလုံး ရာသီသစ် အတွက် ပြန်လည် ခေါ်ယူနိုင် ခဲ့ပြီဟု အသင်း မန်နေဂျာ ဦးထွန်းထွန်းလင်း က ပြောသည်။
စင်ကာပူ လူမျိုးနည်းပြ ဆီဗာဂျီသည် ၂၀၀၉ မှ ၂၀၁၁ ထိ ဟံသာဝတီ အသင်းကို နည်းပြ အဖြစ် ဆောင်ရွက် ခဲ့ဖူး သလို ပြီးခဲ့သည့် ဘောလုံး ရာသီ ဒုတိယ အကျော့၌ နည်းစနစ် ဒါရိုက်တာ အဖြစ်ပြန်လည် ဆောင်ရွက် ခဲ့ဖူးသည့် နည်းပြ တစ်ဦး ဖြစ်သည်။
“ လာမယ့်ရာသီအတွက် ဆီဗာဂျီ အသင်းပြန်လည် ကိုင်တွယ်ဖို့ စီစဉ် ထားပါတယ်။ သူကလည်း သဘော တူထား ပါတယ်။ လောလောဆယ် မိသားစု ကိစ္စအချို့ကြောင့် အသင်းကိုတော့ မရောက်နိုင်သေး ပါဘူး။
လာမယ့်အပတ်လောက် အတွင်း ရောက်မှာပါ။ နိုင်ငံခြား သားကတော့ တိုက်စစ်မှူး ဘမ်ဘာကို ပြန်ခေါ် ထားပါတယ်။ နောက် တစ်ယောက် ကတော့ အလယ်တန်းက ကိုနေးကို ခြေစွမ်း စမ်းသပ်နေ ပါတယ်။ ခေါ်ဖြစ်ရင် သတင်း ထုတ်ပြန်ပေး ပါမယ်။
အခြားလူထပ်ခေါ်ဖို့ကိုတော့ နည်းပြကြီး ရောက်လာမှ အသင်း ပိုင်ရှင်နဲ့ ညှိနှိုင်းပြီး ခေါ် မခေါ် ဆုံးဖြတ် သွားမှာပါ ” ဟု ဦးထွန်းထွန်းလင်းက ဟံသာဝတီ အသင်း၏ ရာသီသစ် အတွက် ပြင်ဆင်မှုနှင့် ပတ်သက်၍ ပြောသည်။
ဟံသာဝတီ ယူနိုက်တက် အသင်းသည် လာမည့် ဘောလုံး ရာသီသစ် အတွက် ပြည်တွင်း ကစားသမား သစ်များ အဖြစ် ရခိုင် ယူနိုက်တက် အသင်းမှ သူရကိုကို၊ သီဟအောင်၊ မင်းကိုသူ တို့ကိုလည်း ခြေစွမ်း စမ်းသပ်မှုများ ပြုလုပ်လျက် ရှိသည်။
မဇ္ဈိမ မာလ်တီမီဒီယာ by mizzima
Original link - http://mizzimaburmese.com/article/8313
| ဒီပို့စ်လေးကို သဘောကျရင် | လုပ်ပေးခဲ့နော်။ |
No comments:
Post a Comment