အာဆီယံ ဖူဆယ် ၀င်ရောက် ယှဉ်ပြိုင်နေသည့် မြန်မာ့ လက်ရွေးစင် အသင်း (ဓာတ်ပုံ-MFF)
ဒီဇင်ဘာ ၈၊ ရန်ကုန်
တရုတ်နိုင်ငံတွင် ကျင်းပ ပြုလုပ်မည့် တရုတ် ဖိတ်ခေါ် ဖူဆယ် ပြိုင်ပွဲ ၀င်ရန် မြန်မာ့ လက်ရွေးစင် ဖူဆယ် အသင်းသည် ပဏာမ ကစားသမား ၂၀ ဦးဖြင့် လေ့ကျင့် ပြင်ဆင်လျက် ရှိသည် ဟု ဖူဆယ် ကော်မတီ ဥက္ကဌ ဦးကြည်မင်းသိန်းက ပြောသည်။
မြန်မာ့ လက်ရွေးစင် ဖူဆယ် အသင်းသည် လက်ရှိတွင် နည်းပြချုပ် အဖြစ် အီရန်လူမျိုး ဆာအိက တာဝန်ယူ ကိုင်တွယ်လျက် ရှိပြီး အဆိုပါ ဖိတ်ခေါ် ပြိုင်ပွဲသို့ ကစားသမား ၁၅ ဦးဖြင့် သွားရောက် ယှဉ်ပြိုင်မည် ဖြစ်သည်။
“ ဒီပြိုင်ပွဲကို မနှစ် ကလည်း သွားပြိုင် ဖူးပါတယ်။ ဒီနှစ်လည်း သူတို့ဘက် ဖိတ်လို့ သွားပြိုင် ဖြစ်တာပါ။ မနှစ်က အောင်မြင်မှု မရပေမယ့် ဒီနှစ်တော့ သေချာ ပြင်ဆင် သွားမှာပါ။ နည်းပြ ကတော့ ဆာအိပဲ တာဝန် ယူသွားမှာပါ။ လောလောဆယ် ပဏာမ ၂၀ နဲ့ ပြင်ဆင် နေပေမယ့် ပြိုင်ပွဲနီးရင် ၁၅ ယောက် ဖြစ်သွားမှာပါ။
MIC အသင်းက အာဆီယံ ဖူဆယ်ပြိုင်ပွဲ သွားနေလို့ စောင့်နေ ရတာပါ။ လေ့ကျင့်မှု ကိုတော့ ဒီဇင်ဘာ ၇ ရက်ကနေ စပြီး ပြုလုပ် သွားမှာပါ ” ဟု ဦးကြည်မင်းသိန်းက ပြောသည်။
မြန်မာ့လက်ရွေးစင်ဖူဆယ်အသင်းသည် ပြီးခဲ့သည့် ၂၀၁၄ တွင် အဆိုပါ တရုတ်ဖိတ်ခေါ် ဖူဆယ်ပြိုင်ပွဲသို့ ၀င်ရောက် ယှဉ်ပြိုင် ခဲ့ဖူးသော်လည်း ထိုင်း၊ မက္ကစီကို၊ တရုတ် အသင်းတို့ကို ရှုံးန်ိမ့်ကာ အုပ်စု အဆင့်ဖြင့်သာ ကျေနပ် ခဲ့ရသည်။
မြန်မာဖူဆယ်အသင်းသည် လက်ရှိတွင် ဒီဇင်ဘာ ၇ ရက်မှ စတင်ကာ လေ့ကျင့် ပြင်ဆင်မှု ပြုလုပ်လျက်ရှိပြီး လာမည့် ဒီဇင်ဘာ ၁၆ ရက်သို့ တရုတ်နိုင်ငံသို့ သွားရောက် ယှဉ်ပြိုင် ကစားရမည် ဖြစ်သည်။
မဇ္ဈိမ မာလ်တီမီဒီယာ by mizzima
Original link - http://mizzimaburmese.com/article/8315
| ဒီပို့စ်လေးကို သဘောကျရင် | လုပ်ပေးခဲ့နော်။ |
No comments:
Post a Comment