လီဗာပူးလ်အသင်း၏ အဆိုးဆုံး ကစားသမား ခေါ်ယူမှု သုံးခုကို ကာရေဂါ ထုတ်ပြော

မတ် ၁၀၊ လီဗာပူးလ်

လီဗာပူးလ် နောက်ခံလူ ကာရေဂါသည် အသင်း၏ အဆိုးရွားဆုံး ကစားသမား ခေါ်ယူမှုသုံးခုမှာ တိုက်စစ်မှူး တစ်ဦး၊ ဒီအော့ဖ်နှင့် အတူ အကွီလာနီတို့ ဖြစ်သည်ဟု ယုံကြည်နေသည်။

အဆိုးရွားဆုံး ခေါ်ယူမှု သုံးခုထဲမှ တိုက်စစ်မှူး ဆိုသည်မှာ ဘာလော့တယ်လီကို ကာရေဂါက ရည်ညွှန်း ပြောဆိုခြင်း ဖြစ်သည်။

၂၀၁၄ တွင် လီဗာပူးလ်သို့ပေါင် ၁၆ သန်းဖြင့်ပြောင်းလာသည့် အသက် ၂၅ နှစ်အရွယ် တိုက်စစ်မှူးသည် လက်ရှိတွင် အေစီမီလန်သို့ အငှားသွားကစားနေ ပြီး လီဗာပူးလ်တွင် ပထမရာသီ၌ ၂၈ ပွဲကစား၊ လေးဂိုးသာ သွင်းနိုင်ခဲ့သည်။

လီဗာပူးအသင်း၏ ကစားသမား ခေါ်ယူမှုတွင် အဆိုးရွားဆုံး များကို ဒေးလီးမေးလ်နှင့် ပြုလုပ်သည့် အင်တာဗျူး၌ ကာရေဂါက "နည်းနည်းပဲ ရှိပါ တယ်။ ဒီအော့ဖ်လည်း တစ်ဦး အပါအဝင်ပေါ့။

အကွီလာနီကိုလည်း ဒီစာရင်းထဲမှာ ထည့်ထားရမယ်။ သူ့အတွက် ကျွန်တော်တို့ ငွေတော်တော် သုံးခဲ့ရတယ်။ စာချုပ်တော့ ဒဏ်ရာနဲ့၊ ထွက်သွားတော့လည်း ဒဏ်ရာ နဲ့ပဲ။ ပြီးတော့ သူဒဏ်ရာ မရဘူး ဆိုတာကို ကျွန်တော် မမှတ်မိ သလောက်ပဲ။

ဘာလော့တယ်လီကိုခေါ်လိုက်ပြီဆိုတော့လည်း ယုံတောင် မယုံနိုင်ဘူး။ လူတိုင်းပြော ကြတာက ဘာလော့တယ်လီရဲ့ကွင်းပြင်က အကျင့်ကို ဖြစ်ပေမယ့် ကွင်းထဲမှာ မဟုတ်ရင် ကျွန်တော် ဂရုမစိုက်ပါဘူး။

လူတွေက သူဟာ ပါရမီရှင်တစ်ယောက်လို့ ကျွန်တော့်ကိုပြောကြတယ်။ ဒါပေမဲ့ သူခြေစွမ်းပြတဲ့ပွဲကို ကျွန်တော်မှတ်တောင် မမှတ်မိဘူး။ အငှား သက်တမ်း ကုန်သွားရင် တရုတ် စူပါလိဂ်က သူ့ကိုခေါ်ဖို့ဆုတောင်းနေပါတယ်။

ပရီးမီးယားလိဂ်က ဘယ်သူမှသူ့ကိုခေါ်ချင်မယ်မထင်ဘူး။ သူဟာ အကွီလာနီ၊ ဒီအော့ဖ်တို့နဲ့အတူ အဆိုးဆုံးနံပါတ်တစ်ပဲ"ဟု ပြောသည်။

Ref; goal.com

မဇ္ဈိမသတင်း by mizzima

Originally published at - http://mizzimaburmese.com/article/12132