ဧပြီ ၁ ၊ ရန်ကုန်
မြန်မာနိုင်ငံ ဘောလုံး အဖွဲ့ချုပ် ဖူဆယ် ကော်မတီမှ ဦးစီး၍ လာမည့် မေလ အတွင်း ရန်ကုန်မြို့ သင်္ဃန်းကျွန်း မြို့နယ်၌ သဲသောင်ပြင် ဘောလုံးကွင်း အသစ်အား အပြီး တည်ဆောက်ရန် စီစဉ် ထားသည် ဟု ဖူဆယ် ကော်မတီ ဥက္ကဌ ဦးကြည်မင်းသိန်းက ပြောသည်။
အဆိုပါကွင်း တည်ဆောက် အပြီးတွင် မြန်မာ့ လက်ရွေးစင် သဲသောင်ပြင် ဘောလုံး အသင်းအတွက် လေ့ကျင့်မှုများ၊ လူရွေးချယ်ပွဲများ၊ ချစ်ကြည်ရေးပွဲများ ကျင်းပပြုလုပ် သွားမည် ဖြစ်သည်။
“ မေလအတွင်းမှာ လက်ရွေးစင်အသင်းလူရွေးပွဲလုပ်ပါမယ်။ ဒါကြောင့် သဲသောင်ပြင်ဘောလုံးကွင်းကို ရန်ကုန်မှာ အရင်တည်ဆောက်မှာပါ။ ဒီသုဝဏ္ဏကွင်းနား သဃန်းကျွန်းမြို့နယ်ထဲမှာပါပဲ။ ဧပြီအကုန် မေလအတွင်း အပြီးဆောက်ဖို့ စီစဉ်ထားပါတယ်။ ကုန်ကျစရိတ်ကိုတော့ သေချာမသိသေးပါဘူး။ ကွင်းပြီးတာနဲ့ လက်ရွေးစင်အသင်းလူရွေးပွဲတွေ၊ ချစ်ကြည်ရေးပွဲတွေ ကစားဖို့ အားလုံးလုပ်သွားမှာပါ။
သဲသောင်ပြင်ဘောလုံးအသင်းက ဒီနှစ်ထဲမှာ အာဆီယံသဲသောင်ပြင်ဘောလုံးပြိုင်ပွဲ သွားကစားဖို့ ရှိပါတယ်။ လက်ရွေးစင်လူရွေးပွဲမှာ မည်သူမဆို ၀ါသနာပါတဲ့သူတိုင်း လာပြိုင်ဖို့လည်း ဖိတ်ခေါ်ပါတယ် ” ဟု ဦးကြည်မင်းသိန်းက ပြောသည်။
မြန်မာ့လက်ရွေးစင်သဲသောင်ပြင်လက်ရွေးစင်အသင်းသည် ၂၀၁၄ ခုနှစ်က မလေးရှားနိုင်ငံတွင် ကျင်းပပြုလုပ်ခဲ့သည့် အာရှသဲသောင်ပြင်ပြိုင်ပွဲတွင် ၀င်ရောက်ယှဉ်ပြိုင်ခဲ့သော်လည်း အောင်မြင်မှုမရရှိပဲ အုပ်စုအဆင့်ဖြင့်သာ ကျေနပ်ခဲ့ရသည်။
အာဆီယံ သဲသောင်ပြင်ချန်ပီယံရှစ် ပြိုင်ပွဲကို ယခုနှစ် သြဂုတ် ၅ ရက်မှ ၁၃ ရက်အထိ ဗီယက်နမ် နိုင်ငံ ဒါနန်းမြို့တွင် ကျင်းပမည်ဖြစ်ပြီး အိမ်ရှင် ဗီယက်နမ်နှင့်အတူ မြန်မာ၊ ထိုင်း၊ လာအို၊ မလေးရှား၊ တီမောနှင့် ပြိုင်ပွဲအဓိက စပွန်ဆာ FELDA အသင်းများ ပါဝင်ယှဉ်ပြိုင်ကြမည်ဖြစ်သည်။
မဇ္ဈိမသတင်း by ရွှေဘုတ်
Originally published at - http://mizzimaburmese.com/article/13027
No comments:
Post a Comment