ဧပြီ ၁၊ ချီလီ
ပြီးခဲ့တဲ့ အပတ်က အာဂျင်တီးနား အသင်းဟာ ချီလီနိုင်ငံကို သွားရောက်ပြီး ချီလီ လက်ရွေးစင် အသင်းနဲ့ ကမ္ဘာ့ဖလား ခြေစစ်ပွဲ ကစား ခဲ့ပါတယ်။
အာဂျင်တီးနား အသင်း ချီလီနိုင်ငံကို ရောက်ရှိ နေခိုက်မှာ အာဂျင်တီးနား အသင်းခေါင်းဆောင် မက်ဆီကို အံ့အားသင့် သွားစေမယ့် အဖြစ်အပျက် တစ်ခု ဖြစ်ပျက် ခဲ့ပါတယ်။
ကာလာမီရန်ဒါလို့ ခေါ်တဲ့ ချီလီသူလေးက မက်ဆီကို အသည်း စွဲအောင်ကြိုက်တဲ့ ပရိသတ် တစ်ဦးပါ။ သူမက မက်ဆီ ချီလီနိုင်ငံကို ရောက်ခိုက်မှာ တွေ့ဆုံခွင့် ရဖို့ အတွက် အာဂျင်တီးနား အသင်း တည်းတဲ့ ဟိုတယ်မှာ ကြိုတင် အခန်း မှာယူ ထားခဲ့ပါတယ်။
မက်ဆီနဲ့တွှေတဲ့ အချိန်မှာတော့ မီရန်ဒါက သူမရဲ့ ပေါင်ကို လှန်ပြပြီး မက်ဆီကို အံ့အား သင့်စေ ခဲ့ပါတယ်။
ဖြူဖွေးနေတဲ့ မီရန်ဒါရဲ့ ဘယ်ဘက်ပေါင်မှာ ကမ္ဘာကျော် ဘောလုံးသမားရဲ့ မျက်နှာကို တက်တူး ထိုးထားတာပါ။
မက်ဆီနဲ့တွေ့ဆုံ လိုတဲ့ မီရန်ဒါရဲ့ အိပ်မက် အမှန်တကယ် ဖြစ်လာခဲ့သလို မက်ဆီလည်း အမှန်တကယ် အံ့အားသင့် ခဲ့ရပါတယ်။
ခြေစစ်ပွဲမှာတော့ အိမ်ရှင် ချီလီက အာဂျင်တီးနား အသင်းကို ၁-၂ ဂိုးနဲ့ ရှုံးနိမ့်ခဲ့ ရပါတယ်။
Ref: Marca
မဇ္ဈိမသတင်း by အောင်ငြိမ်းသွေး
Originally published at - http://mizzimaburmese.com/article/13015
No comments:
Post a Comment