 |
| မြန်မာနေရှင်နယ်လိဂ် ပထမ အကျော့တွင် ဇွဲကပင် အသင်း၌ ကစားနေသည့် ဇစ်ကိုဗစ် (ဓာတ်ပုံ-ရွှေဘုတ်) |
ဧပြီ ၃၀ ၊ ရန်ကုန်
ဟံသာဝတီ ယူနိုက်တက် အသင်းသည် ဧပြီ ၃၀ ရက်တွင် အသင်းနှင့် စာချုပ် သက်တမ်း ကုန်ဆုံးမည့် တိုက်စစ်မှူး အိုင်ဗန် နေရာ အစားထိုးရန် ဇွဲကပင် တိုက်စစ်မှူးဟောင်း ဇီကိုဗစ်အား ခြေစွမ်း စမ်းသပ်လျက် ရှိသည် ဟု အသင်း မန်နေဂျာ ဦးထွန်းထွန်းလင်း က ပြောသည်။
ဘရာဇီး တိုက်စစ်မှူး အိုင်ဗန်သည် မူလက ဟံသာဝတီ အသင်းနှင့် စာချုပ် သက်တမ်း တိုးမြှင့်ရန် ဆွေးနွေး ထားသော်လည်း အကြောင်း မပြန်သေးကာ ဧပြီ ၃၀ ရက် အထိ အသင်းနှင့် လာရောက် ပူးပေါင်းခြင်း မရှိသေးပေ။
အိုင်ဗန်သည် ဟံသာဝတီအသင်းသို့ ၂၀၁၆ ဘောလုံးရာသီ ပထမအကျော့တွင် ရောက်ရှိလာခဲ့သော်လည်း အသင်းနှင့်အတူ ခြေစွမ်းပြကာ ငါးဂိုးအထိ သွင်းယူပေးထားနိုင်သည့် တိုက်စစ်မှူး တစ်ဦးဖြစ်သည်။
“ အိုင်ဗန်က တကယ်ဆို ဧပြီ ၃၀ မှာ သူ့ရဲ့ စာချုပ်သက်တမ်းကုန်ပါပြီ။ သက်တမ်းတိုးဖို့ ညှိထားပေမယ့် အခုအထိ အသင်းနဲ့ လာပူးပေါင်းခြင်း မရှိသေးပါဘူး။ ဇီကိုဗစ်ကလည်း လက်ရှိမှာ ဇွဲကပင်အသင်းနဲ့ စာချုပ်ဖျက်သိမ်းထားတဲ့အတွက် အသင်းမှာ အိုင်ဗန်အစားထိုးဖို့ ခေါ်စမ်းသပ်တဲ့ သဘောပါ။
လာမယ့်မနောမြေအသင်းနဲ့ ခြေစမ်းပွဲအပြီးမှာ သူ့ကို ခေါ်ဖြစ် မခေါ်ဖြစ် ဆုံးဖြတ်မှာပါ။ အိုင်ဗန်ကလည်း ပထမအကျော့ ငါးဂိုးထိ သွင်းထားပေးတဲ့ တိုက်စစ်မှူးကောင်း တစ်ယောက်ဖြစ်လို့ စောင့်ကြည့်ချင်ပါသေးတယ်။
ဘယ်သူ့ကိုခေါ်ဖြစ်မလဲ ဆိုတာတော့ နည်းပြက သူတို့ရဲ့ ခြေစွမ်းကို ကြည့်ပြီး ဆုံးဖြတ်သွားမှာပါ ” ဟု ဦးထွန်းထွန်းလင်းက ပြောသည်။
ဟံသာဝတီအသင်းတွင် ခြေစွမ်းစမ်းသပ်မှု ပြုလုပ်နေသည့် ခရိုအေးရှားတိုက်စစ်မှူး ဇီကိုဗစ်သည် ၂၀၁၃၊ ၂၀၁၄ ဘောလုံးရာသီတွင် ရှမ်းယူနိုက်တက် (ယခင် ကမ္ဘောဇ) အသင်းတွင် ကစားခဲ့ဖူးပြီး ၂၀၁၅ ဘောလုံးရာသီ၌ ဇွဲကပင်အသင်းသို့ ပြောင်းရွေ့လာခဲ့ကာ လက်ရှိတွင်မူ အသင်းနှင့် နှစ်ဦးသဘောတူလမ်းခွဲခဲ့သည့် ကစားသမားတစ်ဦးဖြစ်သည်။
မဇ္ဈိမသတင်း by - ရွှေဘုတ်
Originally published at - http://mizzimaburmese.com/article/13704
No comments:
Post a Comment