ဧပြီ ၃၀၊ ရန်ကုန်
၂၀၁၆ အာဆီယံ ယူ-၁၉ ချန်ပီယံရှစ် ပြိုင်ပွဲ ဝင်ရောက် ယှဉ်ပြိုင်မည့် မြန်မာ ယူ-၁၉ အသင်းကို နည်းပြချုပ် အဖြစ် တာဝန်ယူ ကိုင်တွယ်ရန် နေပြည်တော် နည်းပြ ဦးမျိုးလှိုင်ဝင်းကို မြန်မာနိုင်ငံ ဘောလုံး အဖွဲ့ချုပ်မှ တစ်နှစ် စာချုပ် ချုပ်ဆို ခဲ့သည်။
ဦးမျိုးလှိုင်ဝင်းမှာ မြန်မာယူ - ၁၉ အသင်း နည်းပြ ရာထူးကို လက်ခံ လိုက်သဖြင့် နေပြည်တော် အသင်းကို ဆက်လက် ကိုင်တွယ်နိုင်မည် မဟုတ်ပဲ အကြံပေး အနေဖြင့်သာ ကူညီ လုပ်ဆောင်မည် ဖြစ်သည်။
လက်ရွေးအသင်းတစ်သင်းကို ကိုင်တွယ်ခွင့်ရဖို့က ကျွန်တော့်အိပ်မက်ပါ။ ယူ-၁၉အသင်းကို အာဆီယံပြိုင်ပွဲမှာ အောင်မြင်မှုရအောင် စွမ်းဆောင်ပေး ချင်ပါတယ်။ ပြင်ဆင်ချိန်လေးလ အတွင်းမှာ အကောင်းဆုံးဖြစ်အောင် ကြိုးစားမှာပါ။ ဟု ဦးမျိုးလှိုင်ဝင်းကပြောသည်။
အာဆီယံ ယူ-၁၉ ချန်ပီယံရှစ်ပြိုင်ပွဲကို လာမည့် စက်တင်ဘာ ၁၁ ရက်မှ စတင်ကာ ဗီယက်နမ်နိုင်ငံ ဟနွိုင်းမြို့တွင် ကျင်းပပြုလုပ်မည် ဖြစ်ပြီး အုပ်စုပွဲစဉ်များမှာ လက်ရှိအချိန်အထိ ထွက်ပေါ်လာခြင်း မရှိသေးပေ။
မြန်မာ့လက်ရွေးစင် ယူ-၁၉ အသင်းသည် ၂၀၁၄ ခုနှစ်တွင် အာရှ ယူ-၁၉ ပြိုင်ပွဲ ဆီမီးဖိုင်နယ်အဆင့်သို့ တက်ရောက်နိုင်ခဲ့ကာ ယူ-၂၀ ကမ္ဘာ့ဖလားပြိုင်ပွဲသို့ ၀င်ခွင့်ရခဲ့သော်လည်း ၂၀၁၅ ခုနှစ်တွင်မူ အာဆီယံပြိုင်ပွဲ၌ အုပ်စုအဆင့်မှ ထွက်ခွာခဲ့ရသလို အာရှ ယူ-၁၉ ခြေစစ်ပွဲလည်း မအောင်မြင်ခဲ့ပေ။
မဇ္ဈိမသတင်း by - ရဲရင့်ဋ္ဌေး
Originally published at - http://mizzimaburmese.com/article/13703
No comments:
Post a Comment