မေ ၁၇၊ မန်ချက်စတာ
ယခုနှစ် နွေရာသီတွင် မန်ချက်စတာ ယူနိုက်တက်၌ နည်းပြ ဗန်ဟားလ် ဆက်ရှိနေ ပါက ဂိုးသမား ဒီဂီယာ အသင်းပြောင်းရန် အဆင်သင့် ဖြစ်နေ သည်ဟု ဒေးလီးမေးလ် သတင်းစာမှ ဖော်ပြသည်။
စပိန် ဂိုးသမားသည် ယခုနှစ် ရာသီ အစပိုင်းကမှ အသင်းနှင့် လေးနှစ် စာချုပ်သစ် ချုပ်ထား သော်လည်း နယ်သာလန် လူမျိုးနည်းပြ ဗန်ဟားလ်၏ လက်အောက်တွင် မပျော် မရွှင် ဖြစ်နေသည်။
အိုးထရက်ဖို့ဒ်မှ သတင်းရင်းမြစ်၏ အဆိုအရ ရီးယဲလ်မက်ဒရစ်က အလိုရှိခဲ့သည့် ဒီဂီယာသည် အပြောင်း အရွှေ့ဖြစ်လာအောင် ဖိအားပေးလိမ့် မည်ဟု ဒေးလီးမေးလ်က ဖော်ပြသည်။
ယင်းမှာ ယူနိုက်တက်အတွက် အဓိကဖြေရှင်းရမည့် ကိစ္စတစ်ခုဖြစ်လာမည်ဖြစ်သည်။ ယူနိုက်တက်၏အကောင်းဆုံးကစားသမားဖြစ်ခဲ့သည့် ဒီဂီယာသည် လာမည့်နှစ်ချန်ပီယံလိဂ်ပြိုင်ပွဲဝင်ခွင့်နှင့်လည်း လွဲခဲ့ရသည်။
ယူနိုက်တက်အနေဖြင့် ပီအက်စ်ဂျီမှထွက်ခွာခဲ့ပြီး ပရီးမီးယားလိဂ်တွင်လာရောက်ကစားချင်သည့် အီဘရာဟီမိုဗစ်ကိုခေါ်ယူရန်ကိစ္စကိုလည်း ဆွေးနွေးဆုံးဖြတ်ရဦးမည်ဖြစ်သည်။
ပြီးခဲ့သည့်တစ်ပတ်က ဘော်ဒိုးနှင့် ပီအက်စ်ဂျီ ၁-၁ သရေကျသောပွဲတွင် အသက် ၃၄ နှစ်အရွယ် အီဘရာဟီမိုဗစ်၏ခြေစွမ်းကို ကင်းထောက် လွှတ် စုံစမ်းခဲ့သည့် ယူနိုက်တက်အနေဖြင့် ယင်းတိုက်စစ်မှူးကို ခေါ်သင့်၊ မခေါ်သင့် ဆွေးနွေးနေပြီဖြစ်သည်။
Ref; Daily Mail
မဇ္ဈိမသတင်း by - ဝေဘုန်းလူ
Originally published at - http://mizzimaburmese.com/article/14273
No comments:
Post a Comment