မြန်မာအသင်း တိုက်စစ်ပိုင်း အပြောင်းအလဲ ပြုလုပ်ဖွယ်ရှိဟု နည်းပြ ဂတ်ဇီဆီ ဆို

မြန်မာနှင့်မလေးရှားတို့ ခြေစမ်းပွဲ၌ တိုက်စစ်မှူး အောင်သူနှင့် ကျော်ကိုကိုတို့ ယှဉ်ပြိုင်ကစားနေစဉ် (ဓာတ်ပုံ-ရွှေဘုတ်)

မေ ၃၀ ၊ ရန်ကုန်

ဆူဇူကီးပြိုင်ပွဲ အတွက် ပြင်ဆင်မှု များပြုလုပ် နေသည့် မြန်မာ့ လက်ရွေးစင် အသင်း အနေဖြင့် တိုက်စစ်ပိုင်း အပြောင်းအလဲ ပြုလုပ်ဖွယ် ရှိသည် ဟု နည်းပြချုပ် ဂတ်ဇီဆီ ဖရိုင်းဒရစ်က မြန်မာ အသင်းနှင့် မလေးရှား အသင်းခြေစမ်းပွဲ အပြီးတွင် ပြောသည်။

မြန်မာ့လက်ရွေးစင်အသင်းသည် အဆိုပါ မလေးရှားအသင်းနှင့်ခြေစမ်းပွဲတွင် ပွဲချိန်တလျောက်အသာစီး ကစားနိုင်ခဲ့ပြီး အပိုင်ဂိုးသွင်းခွင့် များ ရခဲ့သော်လည်း မြန်မာ အသင်း တိုက်စစ် ပိုင်း၌ အောင်သူနှင့် ကျော်ကိုကို ကိုပွဲထွက်ကစားစေခဲ့ပြီး ဒုတိယပိုင်းတွင်မူ ၀င်းနိုင်စိုးနှင့် သန်းပိုင်တို့ လူစားလဲဝင်ရောက် ကစားခဲ့သည်။

“ အသင်းရဲ့အဓိက ပြဿနာက ဂိုးမသွင်းနိုင်တာပါပဲ။ လေ့ကျင့်ရေးကွင်းမှာ ဂိုးသွင်းနိုင်ဖုိ့ သေချာလေ့ကျင့်ပေးပေမယ့် အခုထိတော့ လိုအပ်ချက်တွေ ရှိနေတုန်းပါပဲ။ လာမယ့် ပွဲစဉ်မှာတော့ တိုက်စစ်ပိုင်းကို အပြောင်းအလဲလုပ်ဖို့ ရည်ရွယ်ထားပါတယ်။ ကျော်ကိုကိုဆိုရင် ပထမပိုင်း ၄၅ မိနစ်လုံး အလုပ်မဖြစ်ခဲ့ပါဘူး။

တိုက်စစ်မှူးနေရာ ဘယ်သူ့ကိုထားမလဲ ဆိုတာကတော့ လေ့ကျင့်ရေးကွင်းက အခြေအနေကို ပြန်သုံးသပ်ရဦးမှာပါ။ လာမယ့် ခြေစမ်းပွဲတွေမှာ အသင်းရဲ့တိုက်စစ်ကို စမ်းသပ်မှုတွေ ပြုလုပ်ပြီး အကောင်းဆုံးပြင်ဆင်သွားပါမယ် ” ဟု မြန်မာ့လက်ရွေးစင်အသင်းနည်းပြချုပ် ဂတ်ဇီဆီဖရိုင်းဒရစ်က ပြောသည်။

မြန်မာ့လက်ရွေးစင်အသင်းသည် နည်းပြ ဂတ်ဇီဆီလက်ထက်တွင် ကမ္ဘာ့ဖလားခြေစစ်ပွဲ နှစ်ပွဲ၊ နိုင်ငံတကာခြေစမ်းပွဲ သုံးပွဲ ယှဉ်ပြိုင်ကစားထားရာ နိုင်ပွဲတစ်ပွဲမှ မရရှိပဲ သုံးပွဲသရေ နှစ်ပွဲရှုံး ရလဒ်သာ ရရှိထားသည့် အပြင် တိုက်စစ်ပိုင်း၌လည်း သုံးဂိုးသာ သွင်းယူထားနိုင်ခဲ့သည်။

မြန်မာအသင်းသည် လာမည့်ဇွန်လ ၃ ရက်နှင့် ၆ ရက်နေ့တွင်လည်း နိုင်ငံတကာချစ်ကြည်ရေးခြေစမ်းပွဲအဖြစ် မြန်မာနိုင်ငံတွင် အိမ်ရှင်ပြုလုပ်ကာ စင်ကာပူ၊ ဗီယက်နမ်၊ဟောင်ကောင် အစရှိသည့် အသင်းများနှင့် လေးနိုင်ငံဖိတ်ခေါ်ဖလားပြိုင်ပွဲ (AYA Bank Cup 2016) ယှဉ်ပြိုင်ကစားမည် ဖြစ်သည်။

မဇ္ဈိမသတင်း by - ရွှေဘုတ်

Originally published at - http://mizzimaburmese.com/article/14699