 |
| AFC Cup အုပ်စု နောက်ဆုံးပွဲတွင် ရန်ကုန် အသင်းနှင့် မာဇီယာ အသင်းတို့ ယှဉ်ပြိုင် ကစားနေစဉ် (ဓာတ်ပုံ-ရွှေဘုတ်) |
မေ ၁၃ ၊ ရန်ကုန်
၂၀၁၆ AFC Cup ပြိုင်ပွဲတွင် အုပ်စု အဆင့်မှ ထွက်ခွာ ခဲ့ရသည့် ရန်ကုန် ယူနိုက်တက် အသင်း အနေဖြင့် ပြိုင်ပွဲတွင် ယခုထက် အာရုံ စူးစိုက်မှု ထားရန် လိုအပ်နေသည် ဟု ကြည်လင်းက မာဇီယာ အသင်းနှင့် ပွဲအပြီး သတင်းစာ ရှင်းလင်းပွဲတွင် ပြောသည်။
ရန်ကုန်ယူနိုက်တက်အသင်းသည် AFC Cup အုပ်စုနောက်ဆုံးပွဲစဉ်တွင် မာဇီယာအသင်းကို ၃-၂ ဖြင့် အနိုင်ရရှိခဲ့သော်လည်း တောင်တရုတ်အသင်းက မိုဟန်ဘဂန်အသင်းကို ၃-၀ ဖြင့် အနိုင်ရခဲ့သည့်အတွက် အုပ်စုအဆင့်ဖြင့်သာ ကျေနပ်ခဲ့ရသည်။
ရန်ကုန်အသင်းပါဝင်သည့် အုပ်စု (ဆ) တွင် မိုဟန်ဘဂန်အသင်းက ရမှတ် ၁၁ မှတ်ဖြင့် အုပ်စုပထမ၊ တောင်တရုတ်အသင်းက ၉ မှတ်ဖြင့် အုပ်စုဒုတိယရရှိကာ ရှုံးထွက်အဆင့်သို့ တက်ရောက်နိုင်ခဲ့သည်။
" ကျွန်တော်တို့ အုပ်စုကနေ တက်ရောက်ဖို့ အခွင့်အရေးတွေ ရခဲ့တယ်လို့ ထင်ပါတယ်။ အနိုင်ရသင့်တဲ့ပွဲတွေ ရှိခဲ့တယ်။ အထူးသဖြင့် အဝေးကွင်းပွဲစဉ်တွေမှာ ရလဒ်ကောင်း ရခဲ့သင့်တယ်လို့ ထင်တယ်။ အသင်းမှာ ကစားသမားတွေရဲ့ အာရုံစူးစိုက်မှု လိုအပ်နေတယ်လို့ ထင်တယ်။ ပြီးတော့ စည်းလုံးမှု ဒီထက်ကောင်းခဲ့ရင် ကျွန်တော်တို့ အသင်းက အုပ်စုကနေ တက်ရောက်နိုင်မှာပါ " ဟု ကြည်လင်းက ပြောသည်။
ရန်ကုန်ယူနိုက်တက်အသင်းသည် AFC Cup ပြိုင်ပွဲကို ၂၀၁၂၊ ၂၀၁၃၊ ၂၀၁၄၊ ၂၀၁၆ ခုနှစ်တို့တွင် လေးကြိမ်တိုင် ၀င်ရောက်ယှဉ်ပြိုင်ခွင့် ရရှိခဲ့သော်လည်း ၁၆ သင်းအဆင့် ရှုံးထွက်ပြိုင်ပွဲသို့ တစ်ကြိမ်သာ တက်ရောက်နိုင်ခဲ့သည်။
မဇ္ဈိမသတင်း by - ရွှေဘုတ်
Originally published at - http://mizzimaburmese.com/article/14170
No comments:
Post a Comment