ပြင်သစ် နိုင်ငံမှာ ကျင်းပ နေတဲ့ ယူရို ၂၀၁၆ ဥရောပ ဖလား ဘောလုံးပြိုင်ပွဲ ဒုတိယနေ့မှာ အုပ်စုဘီ ဒုတိယ ပွဲစဉ်ဖြစ်တဲ့ အင်္ဂလန်နဲ့ ရုရှားနိုင်ငံတို့ ကစားကြ တာမှာ ၁ ဂိုးစီ သရေကျ သွားခဲ့ပါတယ်။
အင်္ဂလန် အသင်းက ၁ ဂိုး ဂိုးမရှိနဲ့ ပွဲစဉ် တလျှောက်လုံး ဦးဆောင် ကစားနိုင် ခဲ့ပေမဲ့ ပြိုင်ဘက် ရုရှား အသင်းက အချိန်ပို Injury Time မှာ ချေပဂိုး ပြန်သွင်း လိုက်နိုင်တဲ့ အတွက် ၁ ဂိုးစီ သရေနဲ့ ပွဲပြီး သွားခဲ့ပါတယ်။
စနေနေ့ အစောပိုင်းက ကစားခဲ့တဲ့ အုပ်စုဘီ ပထမပွဲစဉ်မှာတော့ Wales အသင်းက Slovakia အသင်းကို ၂ ဂိုး ၁ ဂိုးနဲ့ အနိုင်ရသွားခဲ့ပါတယ်။ အုပ်စုအေ ဒုတိယ ပွဲစဉ်မှာတော့ ဆွစ်ဇာလန်နိုင်ငံအသင်းက Albania အသင်းကို ၁ ဂိုး ဂိုးမရှိနဲ့ အနိုင်ရသွားခဲ့ပါတယ်။
သောကြာနေ့မှာ ကစားတဲ့ အဖွင့်ပွဲစဉ်မှာတော့ အုပ်စုအေက အိမ်ရှင် ပြင်သစ် အသင်းက ရိုမေးနီးယားအသင်းကို ၂ ဂိုး ၁ ဂိုးနဲ့ အနိုင်ရသွားခဲ့ပါတယ်။
ဒီကနေ့ တင်္ဂနွေနေ့ ပထမပွဲစဉ်အဖြစ်နဲ့ အုပ်စု ဒီက Croatia နဲ့ တူရကီအသင်းတို့ မြန်မာစံတော်ချိန် မနက် ၁၀ နာရီခွဲမှာ ကစားကြမှာ ဖြစ်ပါတယ်။ တနင်္ဂနွေနေ့ ဒုတိယပွဲစဉ်ကိုတော့ အုပ်စီက ပိုလန်နဲ့ မြောက်ပိုင်းအိုင်ယာလန်အသင်းတို့ မြန်မာစံတော်ချိန် နေ့လည် ၁ နာရီခွဲမှာ ကစားကြမှာ ဖြစ်ပါတယ်။
တနင်္ဂနွေနေ့ရဲ့ နောက်ဆုံး တတိယပွဲစဉ်ကိုတော့ အုပ်စု အုပ်စု စီက ဂျာမနီနဲ့ ယူကရိန်းအသင်းတို့ မြန်မာစံတော်ချိန် ညနေ ၄ နာရီခွဲမှာ ကစားကြမှာ ဖြစ်ပါတယ်။
ဗွီအိုအေ (မြန်မာပိုင်း)
Originally published at - http://burmese.voanews.com/a/uefa/3372394.html
No comments:
Post a Comment