ဗြိတိန်နိုင်ငံ လန်ဒန်မှာ ယှဉ်ပြိုင် နေတဲ့ ၀င်ဘယ်ဒန် တင်းနစ် ပြိုင်ပွဲ အမျိုးသား တဦးချင်း ကွာတားဖိုင်နယ် ပွဲစဉ်မှာ နာမည်ကြီး အင်ဒီ မာရေးက ဂျိုဝဲဖရိုက် တက်စွန်ဂါကို အနိုင်ရ သွားပါတယ်။
ဗြိတိန်သား မာရေးဟာ အိမ်ကွင်း ပရိသတ်တွေ ရှေ့မှာ ပြင်သစ်က တက်စွန်ဂါကို ခက်ခက် ခဲခဲနဲ့ ၅ ပွဲအထိ ယှဉ်ပြိုင် ခဲ့ရပါတယ်။
ဒီပွဲနိုင်လို့ မာရေးဟာ ၀င်ဘယ်ဒန်ပြိုင်ပွဲမှာ ဆီမီးဖိုင်နယ်ကို ၇ ကြိမ်မြောက်အဖြစ် တက်ရောက်သွားပါတယ်။
ဆီမီးဖိုင်နယ်ပွဲစဉ်မှာတော့ မာရေးဟာ ချက်က ကမ္ဘာ့အဆင့် ၁၀ ဖြစ်တဲ့ တိုမက်စ် ဘာဒစ်နဲ့ ယှဉ်ပြိုင်ရမှာ ဖြစ်ပါတယ်။
အသက် ၂၉ နှစ်အရွယ် မာရေးဟာ ၀င်ဘယ်ဒန်ပြိုင်ပွဲမှာ လက်ရှိချန်ပီယံ ဂျိုကိုဗစ်ပြီးရင် ဗိုလ်စွဲဖို့ ဒုတိယမြောက် ရေပန်းစားသူလည်း ဖြစ်ပါတယ်။
ဓာတ်ပုံ - Getty Images
by ဒီဗွီဘီ
Originally published at - http://burmese.dvb.no/archives/158129
No comments:
Post a Comment