နိုင်ငံ တကာ ချန်ပီယံ ဖလားပွဲ အဖြစ် ချဲလ်ဆီးနဲ့ အေစီမီလန်တို့ သြဂုတ် ၄ ရက် မနက် အစောပိုင်းက အမေရိကန် နိုင်ငံမှာ ယှဉ်ပြိုင်ရာ ချဲလ်ဆီးက ၃ ဂိုး ၁ ဂိုးနဲ့ အနိုင်ရ သွားပါတယ်။
ချဲလ်ဆီးဟာ ဒီပွဲမှာ ဒီယေဂို ကော်စတာ၊ ဖာဘရီဂတ်စ်၊ ၀ီလျံ၊ တယ်ရီ၊ ကာဟေး၊ မာတစ် စတဲ့ အဓိက ကစားသမားတွေနဲ့ ပွဲထွက် လာခဲ့ ပါတယ်။
ပထမပိုင်းမှာ အပြန်အလှန် ထိုးဖောက်ကစားခဲ့ကြကာ အဖွင့်ဂိုးကိုတော့ ချဲလ်ဆီးက ရခဲ့တာဖြစ်ပြီး ပွဲချိန် ၂၄ မိနစ်မှာ ထရာအိုရီက သွင်းယူပေးခဲ့တာပါ။
ပွဲချိန် ၃၈ မိနစ်မှာ အေစီမီလန်အတွက် ဘိုနာဗန်တူရာက ပြစ်ဒဏ်ဘောကို တိုက်ရိုက်ကန်သွင်းပြီး ချေပခဲ့လို့ ပထမပိုင်းအပြီးမှာ ၁ ဂိုးစီ သရေကျခဲ့ပါတယ်။
ဒုတိယပိုင်းမှာ အေစီမီလန် ထိုးဖောက်ကန်သွင်းခွင့်တွေရခဲ့သလို ချဲလ်ဆီးကလည်း အပြန်အလှန် ကစားနိုင်ခဲ့လို့ ပွဲက ကြည့်ကောင်းခဲ့ပါတယ်။
ပွဲချိန် မိနစ် ၇၀ မှာ အော်စကာက ပယ်နယ်တီမှတဆင့် ချဲလ်ဆီးအတွက် ဒုတိယဂိုးနဲ့ ၈၇ မိနစ်မှာ အော်စကာကပဲ တတိယဂိုးသွင်းယူပေးခဲ့လို့ ပွဲအပြီးမှာ ချဲလ်ဆီးက ၃ ဂိုး ၁ ဂိုးနဲ့ အနိုင်ရခဲ့ပါတယ်။
by ဒီဗွီဘီ
Post Originally published at - http://burmese.dvb.no/archives/162141
Video Originally published at - https://www.youtube.com/watch?v=QCWLPOudd9k
No comments:
Post a Comment