ဒီဇင်ဘာ ၂၇၊ မန်ချက်စတာ
ယမန်နေ့တွင် မန်ယူက ဆန်းဒါးလန်းကို ၃-၁ ဖြင့်နိုင်သည့် ပွဲ၌ စကော်ပီယံ ကန်ချက်ဖြင့် သွင်းယူသည့် ဂိုးမှာ မိမိ၏ အကောင်းဆုံး ဂိုးဟု ဟန်ရစ်ခ် မစ်ခီတာယန်က ပြောသည်။
တိုက်စစ်မှူး အီဘရာဟီမိုဗစ် ဖြတ်တင် ပေးပို့သည်ကို မန်ယူ၏ တတိယဂိုး အဖြစ် မစ်ခီတာယန်က ညာဘက် ခြေဖနောင့်ဖြင့် ပိတ်သွင်းယူ ခဲ့ခြင်းဖြစ်သည်။
“သိပ်ကောင်းတဲ့ ခံစားချက်ပါ။ ခရစ္စမတ် မျက်လှည့်လေး တစ်ခုဖြစ်ပြီး ကျွန်တော် သွင်းသမျှ ဂိုးထဲမှာ အကောင်းဆုံး ဂိုးပါပဲ။ သိပ်စိတ် လှုပ်ရှား ခဲ့ရတယ်။ ပထမတော့ စည်းကြ ပ်ဒိုင်ကို ကြည့်မိသေးပြီး လူမကျွံတာ သိရတော့မှ အောင်ပွဲ ခံတော့တာပဲ။
ဘောလုံးက ကျွန်တော့်ရှေ့ကျလာမယ် ထင်ခဲ့ပြီး နောက်မှ သိလိုက် ရတာက ကျွန်တော်ကရှေ့ကို ရောက်နေတယ်။ ဘောလုံးက ကျွန်တော့်နောက်ကို ရောက်နေတော့ ခြေဖနောင့်နဲ့ ချိတ်ဖို့ပဲ ရှိတော့လို့ လုပ်လိုက်တာ အောင်မြင်သွားတယ်”ဟု မစ်ခီတာယန်က ပြောသည်။
မန်ယူအသင်းအတွက် ဂိုးများကို ဒါလေဘလိုင်း၊ အီဘရာဟီမိုဗစ်နှင့် မစ်ခီတာယန်တို့က သွင်းယူခဲ့ကြပြီး ဆန်းဒါးလန်းအတွက် ချေပဂိုးကို ဘိုရီနီက သွင်းယူပေးခဲ့သည်။
Ref; Daily Mail
From : မဇ္ဈိမ မီဒီယာ
Originally published at - http://mizzimaburmese.com/article/21664
No comments:
Post a Comment