သောကြာနေ့က စပိန် ဘုရင့်ဖလား ကွာတား ဖိုင်နယ် အဆင့်တွေ မဲခွဲမှု ရလဒ်အရ အသင်းကြီးတွေ အချင်းချင်း ထိပ်တိုက် တွေ့ဆုံမှုကို ရှောင်လွှဲနိုင် ခဲ့တာနှင့်အညီ ဒီအဆင့်မှာ ပွဲကြီးတွေ မရှိတာကို တွေ့ရ ပါတယ်။
မဲခွဲမှုရလဒ် အရ ဘာစီလိုနာက ဆိုစီဒက်နဲ့၊ ရီးယဲလ်က ဆဲလ်တာဗီဂို၊ အက်သလက်တီကိုက အီဘာ အသီးသီး တွေ့ဆုံပြီး အယ်လ်ကော်ကွန်က ဒီပို့တီဗို အလာဗတ်စ်နဲ့ ကစားရမှာ ဖြစ်ပါတယ်။
ပထမအကျော့ပွဲစဉ်တွေကို ဇန်နဝါရီ ၁၈ နှင့် ၁၉ ရက်တွေမှာ ကစားသွားမှာဖြစ်ပြီး ဒုတိယအကျော့ကိုတော့ ဇန်နဝါရီ ၂၅ နှင့် ၂၆ ရက်တွေမှာ ပြန်လည် ယှဉ်ပြိုင်ကစား သွားမှာဖြစ်ပါတယ်။
ဘာစီလိုနာဟာ လက်ရှိ ဘုရင့်ဖလား (ကိုပါဒယ်ရေး)ချန်ပီယံနှင့် ၂၈ ကြိမ် စံချိန်တင် ရရှိထားတားဖြစ်ပြီး ဒီဆုဖလားကို ၃ ကြိမ်ဆက် ရရှိဖို့ ရည်ရွယ်နေပါတယ်။
ရီးယဲလ်အသင်းကတော့ ဘုရင့်ဖလားကို ၂၀၁၄ ခုနှစ်နောက်ပိုင်း ပထမဆုံးအကြိမ် ပြန်လည်ရယူဖို့နဲ့ အကြိမ် ၂၀ မြောက် ဆွတ်ခူးဖို့ မျှော်လင့်နေပါတယ်။
အလားတူ အက်သလက်တီကိုကလည်း စပိန်ဘုရင့်ဖလားကို ၁၁ ကြိမ်မြောက် ကိုင်မြောက်နိုင်ဖို့ ကြိုးစားပါလိမ့်မယ်။
© EFE_EPA
(ဓာတ်ပုံ - အီးပီအေ)
From : မဇ္ဈိမသတင်းဌာန
Originally published at - http://mizzimaburmese.com/article/22310
No comments:
Post a Comment