စပိန် ဘုရင့် ဖလား ကွာတား ဖိုင်နယ် ဒုတိယ အကျော့ ပွဲစဉ် အဖြစ် ဘာစီလိုနာနဲ့ ဆိုဆီဒက်တို့ ဇန်နဝါရီ ၂၆ ရက်ညက ယှဉ်ပြိုင်ရာ ဘာစီ လိုနာက ၅ ဂိုး ၂ ဂိုးနဲ့ ဂိုးပြတ် အနိုင်ရ သွားပါတယ်။
ဘာစီလိုနာဟာ ဒီပွဲမှာ မက်ဆီ၊ ဆွာရက်ဇ်၊ နေမာ တိုက်စစ် အတွဲကိုပဲ ပွဲထွက် အသုံးပြုခဲ့ ပါတယ်။
အဖွင့်ဂိုးကိုလည်း ဘာစီလိုနာက ရခဲ့ပြီး ပွဲချိန် ၁၇ မိနစ်မှာ ဒန်းနစ္စဆာရက်ဇ်က သွင်းယူပေးခဲ့ပါတယ်။
ရီးရဲလ်ဆိုဆီဒက်ဟာ ဒီပွဲမှာ ဘောလုံးပိုင်ဆိုင်မှုအသာ၊ ဂိုးကန်သွင်းခွင့် အသာစီးရအောင် ကစားနိုင်ခဲ့ပေမယ့် ဦးဆောင်ဂိုးတွေကိုတော့ ဘာစီလိုနာပဲ ရယူသွားနိုင်ခဲ့တာပါ။
ဘာစီလိုနာအတွက် အနိုင်ဂိုးတွေကို ပွဲချိန် ၅၅ မိနစ်မှာ ပယ်နယ်တီမှတဆင့် မက်ဆီ၊ ၆၃ မိနစ်မှာ လူးဝစ္စဆွာရက်ဇ်၊ မိနစ် ၈၀ မှာ အာဒါတူရန်နဲ့ ၈၂ မိနစ်မှာ ဒန်းနစ္စဆွာရက်ဇ်တို့က အသီးသီး သွင်းယူပေးခဲ့ပါတယ်။
ဆိုဆီဒက်အတွက် ချေပဂိုး ၂ ဂိုးကိုတော့ ၆၂ မိနစ်မှာ ဂျူအန်မီနဲ့ ၇၃ မိနစ်မှာ ဝီလီယံဂျို့စ်တို့က သွင်းယူပေးခဲ့ပါတယ်။
စပိန်ဘုရင့်ဖလား ဆီမီးဖိုင်နယ်ကို ဘာစီလိုနာနဲ့အတူ အက်သလက်တီကိုမက်ဒရစ်၊ ဆယ်လ်တာဗီဂိုနဲ့ အလာဗက်စ်တို့လည်း တက်ရောက်ထားပါတယ်။
From : ဒီဗွီဘီ
Originally published at - http://burmese.dvb.no/archives/186241
No comments:
Post a Comment