ချီလီ ဘောလုံး ပရိတ်သတ် ထောင်ပေါင်း များစွာက သူတို့ရဲ့ တိုက်စစ် ကစားသမား ဆန်းချက်ဇ်ကို အာဆင်နယ်မှာ ဆက်ရှိ မနေဖို့ အတွက် ဆန့်ကျင် ဆန္ဒပြ ချီတက်ဖို့ လုပ်ဆောင် နေတယ်လို့ သိရ ပါတယ်။
အဆိုပါ ဆန္ဒပြပွဲ အတွက် ဖေ့ဘုတ်ခ်ရှိ Event ကတဆင့် စည်းရုံး မှုတွေ ပြုနေပြီး ထောက်ခံသူ ပရိသတ်ပေါင်း ၅၀၀၀ ကျော် ရှိလာပြီလို့ ဆိုပါတယ်။
အဆိုပါ ပရိသတ်တွေဟာ လာမယ့် မတ်လ ၁ ရက်နေ့မှာ မြို့တော် ဆန်တီယာဂိုရဲ့ လမ်းမတွေထက်မှာ ဆန္ဒထုတ်ဖော်မှုတွေ ပြုလုပ်သွားမှာဖြစ်ပါတယ်။
ဗုဒ္ဓဟူးနေ့က ချန်ပီယံလိဂ်မှာ အာဆင်နယ်က ဘိုင်ယန်မြူးနစ်အသင်းကို ၅-၁ ဂိုးနဲ့ ရှုံးနိမ့်တဲ့ပွဲမှာ အသင်းအတွက် တစ်လုံးတည်းသော ဂိုးကို ဆန်းချက်ဇ်က သွင်းယူ ခဲ့ပါတယ်။
ဒီပွဲအပြီးအမှာတော့ ဆန္ဒပြပွဲစီစဉ်သူတွေက ချီလီရဲ့ ကြယ်ပွင့်ကစားသမားကို အမ်းမရိတ်စ်ကနေ ထွက်ခွာသွားဖို့ အခုလို လုပ်ဆောင်နေတာဖြစ်ပါတယ်။
"ချီလီသားတွေဟာ အာဆင်နယ်အသင်း ရှေ့တန်းမှာ တစ်ယောက်ထဲ ရုန်းကန်နေရတဲ့ ဆန်းချက်ဇ်ကို ကြည့်နေရတာ စိတ်မကောင်းဖြစ်မိနေပါတယ်။"လို့ Event ရဲ့ ဖော်ပြချက်က ဆိုပါတယ်။
"ကျနော်တို့က သူ့ကို ရီးယဲလ်မှာ ကစားစေချင်လို့၊ ဘာစီလိုနာဆီ ပြန်ပြီး ကစားစေချင်လို့ တောင်းဆိုနေတာ မဟုတ်ပါဘူး။ ကျနော်တို့ လိုချင်တာက အခြား ကစား သမား ၁၀ ယောက်နဲ့အတူ တိုက်ပွဲဝင်နေတဲ့ ဆန်းချက်ဇ်ကို မြင်ချင်ရုံလေးပါ။ သူတစ်ယောက်တည်းလို ဖြစ်နေတယ်"လို့ ဆိုပါတယ်။
အသက် ၂၈ နှစ်အရွယ် ဆန်းချက်ဇ်ဟာ အာဆင်နယ်အသင်းနဲ့ စာချက်သက်တမ်း ၁၈ လ နီးပါးကျန်ရှိနေပြီး ၎င်းကို နွေရာသီအပြောင်းအရွှေ့မှာ ဂျူဗင်တမ်စ်က ချိတ်ဆက်ခဲ့တယ်လို့ သိရပါတယ်။
Source: Sky Sports
From : မဇ္ဈိမ မီဒီယာ
Originally published at - http://mizzimaburmese.com/article/23676
No comments:
Post a Comment