အကယ်ဒမီ ၃ခုအတွက် အသက် ၁၂ နှစ် အောက် ကစားသမား၂၀၀ ဦး ကို ဘောလုံး အဖွဲ့ချုပ် ရွေးချယ်မည်။

ရန်ကုန်၊ မတ်လ ၁

မြန်မာ နိုင်ငံ ဘောလုံး အဖွဲ့ချုပ်က ဘောလုံး အကယ်ဒမီ ၃ ခု အတွက် အသက် ၁၂ နှစ်အောက် ပဏာမ ကစားသမား အယောက် ၂၀၀ ကို ရွေးချယ် သွားမယ်လို့ သိရ ပါတယ်။

“အခု ပညာ သင်နှစ် အစမှာ ကစားသမား အသစ်တွေ လိုပြီ ဆိုတော့ တနိုင်ငံလုံး အတိုင်း အတာ အနေနဲ့ ကျယ်ကျယ် ပြန့်ပြန့် စုစုပေါင်း ၅၂ မြို့နယ် တိုင်းဒေသကြီး အလိုက်ပေါ့ အခု ကတော့ အကျယ်ပြန့် ဆုံးနဲ့ ကျွန်တော်တို့ ဘောလုံး သမိုင်းမှာ တစ်ခါမှ မလုပ်ခဲ့ ဘူးတဲ့ စုပေါင်းခြင်း တစ်မျိုးပါ ” လို့ မြန်မာနိုင်ငံ ဘောလုံး အဖွဲ့ချုပ် ရဲ့ မီဒီယာ ဒါရိုက်တာ ကိုဇင်မင်းထိုက် က ပြောပါတယ်။

မြန်မာနိုင်ငံမှာဆိုရင် မန္တလေးဘောလုံး အကယ်ဒမီ၊ ပုသိမ်ဘောလုံး အကယ်ဒမီ၊ ရန်ကုန် ဘောလုံး အကယ်ဒမီ အကယ်ဒမီ သုံးခုရှိပြီး အရင်က မန္တလေးနဲ့ ပုသိမ် အတွက်ကို ကျောင်းအုပ်တွေက နယ်မှာပဲ လူရွေးချယ်လေ့ ရှိတယ်။ အခုကျတော့ နောက်ဆုံးဖွင့် လှစ်လိုက်တဲ့ ရန်ကုန် ဘောလုံး အကယ်ဒမီက နိုင်ငံတကာ အဆင့်မှီ ဖြစ်လို့ အခုလို စုပေါင်းရွေးချယ်ဖို့ ဖိတ်ခေါ် လိုက်တာ ဖြစ်တယ်လို့ သိရပါတယ်။

အဆိုပါဘောလုံးအကယ်ဒမီ သုံးခု အတွက် လူရွေးချယ်ခြင်းကို မတ်လ ၁၄ရက်ကနေ ဧပြီလ ၁၀ ရက်နေ့ အထိ ပြုလုပ်သွားမှာ ဖြစ်တယ်။ အစောပိုင်း အနေနဲ့ ကစားသမား အယောက် ၂၀၀ ကို ရွေးချယ်မှာ ဖြစ်တယ်လို့ သိရပါတယ်။

ရွေးချယ်ရေး အနေနဲ့ အဖွဲ့ လေးဖွဲ့ ခွဲထားပြီး ကော်မတီတွေက အဖွဲ့တွေ ပေါ်မှာ ရှိတယ်။ ကော်မတီတွေ ကနေ အဖွဲ့ လေးဖွဲ့ ရွေးထားတဲ့ လူတွေရဲ့ အရည် အချင်းတွေ
ပြန်လေ့လာမယ်။ ကလေးတွေရဲ့ အရည်အသွေး တွေကို ဗီဒီယိုတွေ ရိုက်ထား မယ်လို့ သိရပါတယ်။

” တကယ် သမာသမတ် ရှိရှိနဲ့ ကလေးတွေကို ရွေးချယ် သွားမှာ ဖြစ်ပါတယ် ကစားသမား ရွေးချယ်မှု အပိုင်းကို ပွင့်လင်း မြင်သာမှု အရှိဆုံးနဲ့ စစ်မှန်တဲ့ ကစား သမားတွေ ရွေးချယ် သွားမယ် ကျွန်တော်တို့မှာ ဘက်လိုက်မှု မရှိစေရဘူး ” လို့ ကိုဇင်မင်းထိုက် က ပြောပါတယ်။

အနယ်နယ်အရပ်ရပ်မှ ရွေးချယ်ခံရတဲ့ ကလေးများကို ဘောလုံး ပညာ အပြင် အတန်း ပညာများ အင်္ဂလိပ်စာ အရည်အသွေး များပါ တိုးတက်အောင် ပြုလုပ် သွားမှာ ဖြစ်ပါတယ်။

မြစ်ကြီးနား မိုးညှင်း ဗန်းမော် အပါအဝင် မြန်မာနိုင်ငံရဲ့ အချက်အချာ အကျဆုံး မြို့တွေမှာ ရွေးချယ်သွားမှာ လို့ သိရပါတယ်။

ဘောလုံး အကယ်ဒမီ အတွက် ရွေးချယ်ခံမယ့် ကစားသမားတွေဟာ မြို့နယ် အသီးသီးမှာ ရှိတဲ့ အားကစားနဲ့ ကာယပညာ ရုံးများမှာ ဆက်သွယ် စာရင်းပေး သွင်းနိုင် တယ်လို့ သိရ ပါတယ်။

photo MFF

From : ကုမုဒြာဂျာနယ် by အောင်လေး

Originally published at - http://www.kumudranews.com