ဒီကနေ့ မနက် အစောပိုင်းက ဂျာမနီ နိုင်ငံမှာ ယှဉ်ပြိုင် ကစားခဲ့ ကြတဲ့ နိုင်ငံတကာ ချစ်ကြည်ရေး ခြေစမ်းပွဲမှာ ဂျာမနီ အသင်းက အင်္ဂလန် အသင်းကို ၁ ဂိုး-ဂိုးမရှိ အနိုင် ရရှိခဲ့ ပါတယ်။
အိမ်ရှင် ဂျာမနီ အသင်း အတွက် တလုံးတည်းသော အနိုင်ဂိုးကိုတော့ အာဆင်နယ် အသင်းရဲ့ ကစားသမားဟောင်း တဦးဖြစ်တဲ့ ပိုဒေါ့စကီးက သွင်းယူပေး ခဲ့တာပါ။
ဂျာမနီအသင်းနဲ့ အင်္ဂလန်အသင်းတို့ဟာ သမိုင်းဝင်ပြိုင်ဘက်အသင်းတွေဖြစ်ကြပြီး ၂ သင်းစလုံး အကြိတ်အနယ် ယှဉ်ပြိုင်ကစားခဲ့ကြတာကို တွေ့ရပါတယ်။
ပွဲကစားချိန် ပထမပိုင်းမှာတော့ တသင်းနဲ့ တသင်း အနိုင်ဂိုးသွင်းမယူနိုင်ခဲ့ကြပဲ ဒုတိယပိုင်း ပွဲချိန် ၆၉ မိနစ်မှာမှ ပိုဒေါ့စကီးက သွင်းယူပေးနိုင်ခဲ့တာပါ။
ဒီပွဲရလဒ်ကြောင့် ဂျာမနီအသင်းဟာ ၆၄၈ မိနစ်ကြာ နိုင်ငံတကာပွဲစဉ်တွေမှာ ဂိုးမပေးရတဲ့ မှတ်တမ်းကို ပိုင်ဆိုင်သွားခဲ့ရတာပါ။
From : ဒီဗွီဘီ
Originally published at - http://burmese.dvb.no/archives/196835
No comments:
Post a Comment