မန်ယူ အသင်းက ကွင်းလယ်လူ ရှဝိန်း စတိုင်ဂါကို အမေရိကန် မေဂျာလိဂ် ကလပ် ချီကာဂို ဖိုင်းယားကို ပြောင်းရွှေ့ဖို့ ခွင့်ပြု လိုက်ပါတယ်။
နှစ်ဘက် ကလပ်ကြားမှာ မတ်လ ၂၀ ရက်နေ့က သဘောတူ ခဲ့ပြီး ဆေးစစ်မှုတွေ ခံယူရမှာ ဖြစ်ပါတယ်။
အသက် ၃၂ နှစ် အရွယ် ဂျာမန် လက်ရွေးစင် ကွင်းလယ် ကစားသမား ဟောင်းဟာ အမေရိကန် ကလပ် ချီကာဂို ဖိုင်းယား အသင်းနဲ့ တနှစ် သဘောတူ စာချုပ် ချုပ်ဆို ခဲ့တာပါ။
ရှဝိန်းစတိုင်ဂါ ကတော့ မန်ယူက အသင်း ဖော်တွေကို စွန့်ခွာ ရတော့မှာဖြစ်လို့ ဝမ်းနည်းကြောင်း ပြောဆို သွားပါတယ်။
ရှဝိန်းစတိုင်ဂါဟာ ဂျာမနီလက်ရွေးစင်အသင်းကို ၂၀၁၄ မှာ ကမ္ဘာ့ချန်ပီယံဖြစ်အောင် ကူညီခဲ့ပါတယ်။
သူဟာ ဒဏ်ရာတွေနဲ့ ရုန်းကန်ခဲ့ရပြီး မန်ယူနည်းပြသစ် မော်ရင်ဟိုလက်ထက်မှာ ပွဲထွက်ခွင့်မရဘဲ မန်ယူရဲ့ ယူ ၂၃ အသင်းနဲ့ လေ့ကျင့်ရင်း အချိန်ကုန်ခဲ့ရလို့ အသင်းပြောင်းသွားတာ ဖြစ်ပါတယ်။
ဓာတ်ပုံ - ရိုက်တာ
From : ဒီဗွီဘီ
Originally published at - http://burmese.dvb.no/archives/196615
No comments:
Post a Comment