မေ ၂၁၊ လိုင်ယွန်။ ။ လာကာ ဇက်တီသည် အက်သလက် တီကို အသင်းနှင့် နှုတ်အားဖြင့် သဘော တူညီမှု ရသွားပြီဟု လိုင်ယွန် အသင်း ဥက္ကဋ္ဌ ဂျင်းမိုက်ကယ် အူလက်က ထုတ်ပြောသည်။
အသက် ၂၅ နှစ် အရွယ် တိုက်စစ်မှူး ကလည်း လိုင်ယွန်အသင်းမှ ထွက်တော့မည်ဖြစ်ကြောင်း၊ အက်သလက်တီကို အသင်းနှင့် စကားပြော နေကြောင်းနှင့် ဂရစ်ဇ်မန်းနှင့် တစ်သင်းတည်း ဖြစ်လာနိုင်ကြောင်း ယခု တစ်ပတ်တွင် ပြောဆို ထားသည်။
လာကာဇက်တီ၏ အပြောင်းအရွှေ့အပ်ါထင်မြင်ချက်များပေးနေကြခြင်းကို အူလက်ကအဆုံးသတ်လိုက်ခြင်းဖြစ်ပြီး သဘောတူညီမှုရထားပြီးဖြစ်သည်ဟု ဆိုသည်။
သို့သော်လည်း အက်သလက်တီကိုအသင်းမှာ အပြောင်းအရွှေ့ပိတ်ခံထားရခြင်းအပေါ် အားကစားခုံရုံးထံအယူခံဝင်ထားမှုကိုစောင့်ဆိုင်းနေရဆဲဖြစ်၍ အပြောင်းအရွှေ့ကျိန်းသေဖြစ်လာရန် မရေရာသေးပေ။
လူငယ်ကစားသမားခေါ်ယူမှုနှင့်ပတ်သက်ပြီး ဖီဖာ၏ပြစ်ဒဏ်ချခြင်းကိုခံထားရခြင်းဖြစ်ပြီး လာမည့်နွေရာသီတွင်ဖြေလျော့ပေးလိမ့်မည်ဟု မက်ဒရစ်မြို့ခံ အသင်းကမျှော်လင့်နေသည်။
''လာကာဇက်တီဟာ အက်သလက်တီကိုနဲ့နှုတ်အားဖြင့်သဘောတူခဲ့ပြီးဖြစ်ပေမယ့် အယူခံကိုစောင့်နေရလို့ အပြောင်းအရွှေ့ သေချာပြီလို့ ပြောလို့ မရသေး ပါဘူး။
လာကာဇက်တီက အက်သလက်တီကိုနဲ့သီးသန့်ဆွေးနွေးချင်တယ်ဆိုလို့ ကျွန်တော်တို့ခွင့်ပြုပေးခဲ့ပါတယ်။ ဒါပေမဲ့အပြောင်းအရွှေ့ပိုင်းကိုတော့ အသင်းဘက်ကလုပ်ပေးမှာပါ''ဟု အူလက်ကပြောသည်။
Ref; goal.com
From : မဇ္ဈိမ မီဒီယာ by ဝေဘုန်းလူ
Originally published at - http://www.mizzimaburmese.com/article/27165
No comments:
Post a Comment