မက်ဒရစ်၊ နိုဝင်ဘာ ၂၄ ။။
ရီးယဲလ် အသင်း၏ ဥက္ကဋ္ဌ ဖလော်ရင် တီနိုပီရက်ဇ်က အသင်း၏ အဓိက တိုက်စစ် ကစားသမား စီရော်နယ်ဒိုကို ရောင်းချရန် အစီအစဉ် မရှိကြောင်းနှင့် နည်းပြ ရာဖေးလ် ဘင်နီတက်ဇ်ကို အပြည့် အ၀ aထာက်ခံကြောင်း ပြောဆို လိုက်သည်။
လာမည့်နွေရာသီ အပြောင်းအရွှေ့တွင် စီရော်နယ်ဒိုကို ရီးယဲလ် အသင်းက ရောင်းချတော့မည် ဆိုသည်မှာ မဟုတ် မှန်ကြောင်း ဥက္ကဋ္ဌ ပီရက်ဇ်က ပြောသည်။ စီရော်နယ်ဒိုကို ပီအက်စ်ဂျီ အသင်းက ခေါ်ယူရန် ချိတ်ဆက် နေကြောင်းနှင့် ပရီးမီးယားလိဂ်သို့ ပြန်တော့မည် ဆိုသည့် သတင်းများ ထွက်ပေါ်လျက်ရှိသည်။
ထို့ကြောင့် ပီရက်ဇ်က 'ကျွန်တော့်နေရာတည်မြဲဖို့ ရော်နယ်ဒိုကိုရောင်းချမယ်ဆိုပြီး ပြောနေကြပါတယ်။ ရော်နယ်ဒိုကိုရောင်းချဖို့ နေ့လည်စာ ဆွေးနွေးပွဲတွေမှာ ဆွေးနွေးနေတယ်ဆိုပြီး ဂျာနယ်လစ်တွေက ပြောနေကြတာတွေကလည်း ကျွန်တော့်ကို တကယ်စိတ်ရှုပ်နေပါတယ်။ ပီအက်စ်ဂျီအသင်းဥက္ကဋ္ဌနဲ့ရော အေးဂျင့်ဂျော့မန်ဒက်စ်နဲ့ပါ ဘယ်တုန်းကမှ ဒီအကြောင်းကို ညစာစားပြီး မဆွေးနွေးဖူးပါဘူး။
စီရော်နယ်ဒိုဟာ နည်းပြအပါအ၀င် အသင်းက ဘယ်သူနဲ့မဆို ဘယ်တုန်းကမှ ဆန့်ကျင်ပြောဆိုတာမျိုးမရှိပါဘူး။ နေ့တိုင်းပဲ မမှန်ကန်တဲ့ ပုံပြင်တွေကို ကျွန်တော်ရှင်းလင်းနေရပါတယ်' ဟု ပြောသည်။
ထို့အပြင် ဖလော်ရင်တီနိုပီရက်ဇ်က နည်းပြ ဘင်နီတက်ဇ်သည် ကစားသမားများ၊ အသင်းဒါရိုက်တာများအပါအ၀င် အထူးအားဖြင့် မိမိနှင့်အလွန်အဆင်ပြေသူဖြစ်ကြောင်း ပြောသည်။ ရော်နယ်ဒိုက သူနှင့် ဘင်နီတက်ဇ်တို့ နှစ်ဦးမှ တစ်ဦးကို အသင်းမှ ထုတ်ပယ်ရန် တောင်းဆိုခဲ့သည်ဆိုသော သတင်းများမှာလည်း မဟုတ်မှန်ကြောင်း ပီရက်ဇ်က ပြောဆိုခဲ့သည်။
မဇ္ဈိမ မာလ်တီမီဒီယာ by mizzima
Original link - http://mizzimaburmese.com/article/7801
| ဒီပို့စ်လေးကို သဘောကျရင် | လုပ်ပေးခဲ့နော်။ |
No comments:
Post a Comment