BTV Cup သွားရောက် ယှဉ်ပြိုင်မည့် မြန်မာနေရှင်နယ်လိဂ် ကလပ် ရတနာပုံ အသင်းအား တွေ့ရစဉ် (ဓာတ်ပုံ-ရွှေဘုတ်)
ဗီယက်နမ် ဘောလုံး အဖွဲ့ချုပ်မှ ကြီးမှူး ကျင်းပသည့် ဗီယက်နမ် ဖိတ်ခေါ်ဖလား BTV Cup ပြိုင်ပွဲတွင် မြန်မာနိုင်ငံ ကိုယ်စားပြု ၀င်ရောက် ယှဉ်ပြိုင်မည့် ရတနာပုံ အသင်းသည် ဗီယက်နမ်ကလပ် ဘင်ခမ်းဘင်ဒေါင်း အသင်း၊ BVN အသင်း၊ ကိုရီးယား တက္ကသိုလ် လက်ရွေးစင် အသင်းတို့နှင့် အုပ်စု (က) တွင် တစ်အုပ်စုတည်း ကျရောက်လျက် ရှိသည်။
BTV Cup ပြိုင်ပွဲကို ဗီယက်နမ်နိုင်ငံ သူဒါမို့မြို့ရှိ ပရိသတ် တစ်သောင်းရှစ်ထောင်ကျော်ဆန့် ဂိုဒူးဘောလုံးကွင်းတွင် နိုဝင်ဘာ ၆ ရက်မှ ၁၅ ရက်ထိ ကျင်းပပြုလုပ်မည် ဖြစ်သည်။
ယင်းပြိုင်ပွဲတွင် ပြိုင်ပွဲဝင်အသင်းပေါင်း ရှစ်သင်း ၀င်ရောက်ယှဉ်ပြိုင်မည် ဖြစ်ပြီး အုပ်စု (ခ) တွင် ဗီယက်နမ်ကလပ် ကွမ်နန်းကိုးအသင်း၊ ဒေါင်နန်းလိုအန်အသင်း၊ ဘရာဇီးကလပ် ဘန်ဂူးအက်သလက်တီကို အသင်းနှင့် ဂျပန်ကျောင်းသားအသင်းတို့ ပါဝင်လျက်ရှိသည်။
၂၀၁၅ မြန်မာနေရှင်နယ်လိဂ် တွင်အဆင့် ၂ ဖြင့် ရာသီသိမ်းခဲ့သော ရတနာပုံအသင်းနှင့် တစ်အုပ်စုတည်းကျရောက်သည့် ဘင်ခမ်းဘင်ဒေါင်းအသင်းမှာဗီယက်နမ်လက်ရွေးစင်ကစားသမားအများစုနှင့် စုဖွဲ့ထားပြီး ၂၀၁၅ ဗီယက်နမ်လိဂ်ပြိုင်ပွဲ၏ ချန်ပီယံအသင်းဖြစ်သည်။
အခြားအသင်းအဖြစ်သည့် ကိုရီးယားတက္ကသိုလ်လက်ရွေးစင်အသင်းသည် ပြီးခဲ့သည့် ၂၀၁၄ BTV Cup ပြိုင်ပွဲ၏ လက်ရှိချန်ပီယံအသင်းတစ်သင်းဖြစ်ပြီး BVN အသင်းမှာမူ ၂၀၁၅ ဗီယက်နမ် လိဂ်ပြိုင်ပွဲ၏ အဆင့် (၅) နေရာတွင်ရပ်တည်နိုင်ခဲ့သည့် အသင်းတစ်သင်းဖြစ်သည်။
ရတနာပုံအသင်းသည် အုပ်စုအဖွင့်ပွဲစဉ်အဖြစ် လာမည့် နိုဝင်ဘာ ၆ ရက်တွင် ဘင်ခမ်းဘင်ဒေါင်းအသင်းနှင့် စတင်ယှဉ်ပြိုင်ကစားရမည် ဖြစ်ပြီး နိုဝင်ဘာ ၈ ရက်တွင် ကိုရီးယားတက္ကသိုလ် လက်ရွေးစင်အသင်း၊ နိုဝင်ဘာ ၁၀ ရက်တွင် BVN အသင်းတို့နှင့် ယှဉ်ပြိုင်ကစားရမည် ဖြစ်သည်။
မဇ္ဈိမ မာလ်တီမီဒီယာ by mizzima
Original link - http://mizzimaburmese.com/article/6867
| ဒီပို့စ်လေးကို နှစ်သက်တယ်ဆိုရင် | လုပ်နိုင်ပါတယ်။ |
No comments:
Post a Comment