မြန်မာနှင့် ကမ္ဘာ အားကစားသတင်းများ ပြန်လည်မျှဝေခြင်း





ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Wednesday, December 2, 2015

၂၀၁၆ တွင် အာဆီယံ စံချိန်မှီ ဖူဆယ်ကွင်း တစ်ကွင်း တည်ဆောက်ရန် အဖွဲ့ချုပ် စီစဉ်



၂၀၁၅ ဖူဆယ် ဖလားပြိုင်ပွဲ ကျင်းပပြုလုပ် ခဲ့သည့် သုဝဏ္ဏမိုးလုံလေလုံ အားကစား ကွင်း (ဓာတ်ပုံ-ရွှေဘုတ်)

ဒီဇင်ဘာ ၂၊ ရန်ကုန်

မြန်မာနိုင်ငံ ဘောလုံး အဖွဲ့ချုပ် အနေဖြင့် ၂၀၁၆ တွင် အာဆီယံ စံချိန်မှီ ဖူဆယ်ကွင်း တစ်ကွင်း ရန်ကုန်မြို့၌ တည်ဆောက်ရန် စီစဉ်လျက် ရှိသည်ဟု မြန်မာနိုင်ငံ ဖူဆယ် ကော်မတီ ဥက္ကဌ ဦးကြည်မင်းသိန်းက ပြောသည်။

လက်ရှိတွင် ဖူဆယ်လိဂ်ပြိုင်ပွဲများနှင့် ဖူဆယ်ဖလား ပြိုင်ပွဲများကို ရန်ကုန်မြို့ရှိ သုဝဏ္ဏမိုးလုံလေလုံအားကစားရုံနှင့် လှိုင်ဖူဆယ်အားကစား ကွင်းတို့၌သာ နှစ်စဉ် ကျင်းပပြုလုပ်လျက်ရှိသည်။

“ကျွန်တော်တို့ မြန်မာဖူဆယ်အသင်းအနေနဲ့ အိမ်နီးချင်း ထိုင်းအသင်းတို့ကို မီချင်တယ် အဆင့်အတန်းတူ ကစားချင်တယ်ဆိုရင်တော့ ဖူဆယ်ကွင်းတွေ လိုပါတယ်။

ပြိုင်ပွဲတွေများများလုပ် လေ့ကျင့်ရေးတွေ များများလုပ်မှ အသင်းတွေက တိုးတက်လာမှာပါ။ အဲ့ဒီအတွက် ပြိုင်ပွဲကျင်းပနိုင်မယ့် ကွင်းကောင်းကောင်းနဲ့ လေ့ကျင့်ရေးကွင်း ကောင်းကောင်းတွေ ရှိမှပဲ အဆင်ပြေမှာပါ။

အခုလေ့ကျင့်ရေးကွင်းဆို ကျိုက်က္ကစံလေ့ကျင့်ရေးကွင်းတစ်ခုပဲ ကောင်းပါတယ်။ လာမယ့် ၂၀၁၆ မှာ အာဆီယံစံချိန်မီ ဖူဆယ်ကွင်းတစ်ကွင်းဆောက်ပေးဖို့ ဘောလုံးအဖွဲ့ချုပ်က စီစဉ်ထားတယ်လို့ ဥက္ကဌကတော့ ပြောထားပါတယ် ” ဟု ဦးကြည်မင်းသိန်းက ပြောသည်။

မြန်မာနိုင်ငံ ဘောလုံးအဖွဲ့ချုပ် အနေဖြင့် လာမည့် ၂၀၁၆ ဇူလိုင်လတွင် အာဆီယံ ဖူဆယ်ကလပ် ချန်ပီယံရှစ် ပြိုင်ပွဲကိုလည်း မြန်မာနိုင်ငံတွင် ပထမ ဦးဆုံး အိမ်ရှင် အဖြစ် လက်ခံ ကျင်းပရန် စီစဉ်ထားသည်။

မဇ္ဈိမ မာလ်တီမီဒီယာ by mizzima

Original link - http://mizzimaburmese.com/article/8032

ဒီပို့စ်လေးကို သဘောကျရင်
လုပ်ပေးခဲ့နော်။

No comments:

Post a Comment