ရတနာပုံနှင့် ဇွဲကပင် ပွဲ၌ ရတနာပုံ အသင်းမှ အောင်သူ ချေပဂိုး သွင်းယူနေစဉ် (ဓာတ်ပုံ - ရွှေဘုတ်)
ဖေဖော်ဝါရီ ၂၃ ၊ ရန်ကုန်
ယခုတစ်ပတ် မြန်မာ နေရှင်နယ်လိဂ် ပွဲစဉ် ၇ ပွဲစဉ်များ ယှဉ်ပြိုင် ကစားခဲ့ရာ အမှတ်ပေး ဇယားထိပ်မှ အသင်းများ ဖြစ်သည့် ရတနာပုံ၊ ဟံသာဝတီ၊ ဇွဲကပင် အစ ရှိသည့် အသင်းများ သရေ ရလဒ်ဖြင့်သာ ပြီးဆုံး ခဲ့သည်။
အမှတ်ပေး ဇယား ထိပ်ဆုံးမှ ရတနာပုံ အသင်းသည် ဇွဲကပင်အသင်းနှင့် သုဝဏ္ဏကွင်း၌ ယှဉ်ပြိုင် ကစားခဲ့ကာ ဇွဲကပင် အသင်းအား ပွဲအစ ၁၈ မိနစ်တွင် ဦးဆောင်ဂိုး ပေးခဲ့ရပြီး နောက်မှ လိုက်ကစား၍ တိုက်စစ်မှူး အောင်သူ၏ နောက်ကျချေပ ဂိုးကြောင့်သာ တစ်ဂိုးစီ သရေဖြင့် ပွဲပြီးဆုံး ခဲ့သည်။
ဒုတိယနေရာမှ ဟံသာဝတီအသင်းမှာမူ အမှတ်ပေးဇယားထိပ်မှ ရတနာပုံအသင်း၏ သရေရလဒ်အပေါ် အခွင့်ကောင်း မယူနိုင်ပဲ အောက်ဆုံးမှ ဆောက်သမ်းမြန်မာ အသင်းကို အကြိတ်အနယ် ယှဉ်ပြိုင် ကစားကာ ဂိုးမရှိ သရေဖြင့် ပြီးဆုံးခဲ့သည်။
အခြားပွဲစဉ်များတွင် ရန်ကုန်အသင်းသည် အိမ်ကွင်း၌ ရခိုင်ယူနိုက်တက်အသင်းကို ၃-၁ ဖြင့် ဂိုးပြတ်အနိုင်ရခဲ့ပြီး ဧရာဝတီယူနိုက်တက်အသင်းမှာလည်း အိမ်ကွင်း ပုသိမ်ကွင်းတွင် တန်းတက်ဟော်ရဇွန် အသင်းကို နှစ်ဂိုးပြတ်ဖြင့် အနိုင်ရခဲ့သည်။
ဇေယျာရွှေမြေအသင်းသည်လည်း အိမ်ကွင်းကျောက်တိုင်ကွင်းတွင် မကွေးအသင်းနှင့် ယှဉ်ပြိုင်ကစားကာ နိုင်ဦးလွင်၊ ရန်နိုင်ဦးတို့၏ ခြေစွမ်းပြ သွင်းဂိုးများကြောင့် နှစ်ဂိုး တစ်ဂိုးဖြင့် အနိုင်ရခဲ့သည်။
ရှမ်းယူနိုက်တက်အသင်းမှာမူ တောင်ကြီးကွင်းတွင် ချင်းအသင်းနှင့် ယှဉ်ပြိုင်ကစားခဲ့ရသော်လည်း ခြေစွမ်းပြ အနိုင်ယူနိုင်ခြင်းမရှိကာ တစ်ဂိုးစီသရေဖြင့်သာ ပြီးဆုံးခဲ့သည်။
မြန်မာနေရှင်နယ်လိဂ် ပွဲစဉ် ၇ ပွဲစဉ်များ ကစားပြီးချိန်၌ ရတနာပုံအသင်းသည် ရမှတ် ၁၇ မှတ်ဖြင့် အမှတ်ပေးဇယားထိပ်ဆုံးတွင် ဆက်လက်ဦးဆောင်နိုင်ခဲ့ပြီး ဟံသာဝတီအသင်းက ရမှတ် ၁၅ မှတ်ဖြင့် ဒုတိယ၊ ဇွဲကပင်အသင်းက ရမှတ် ၁၄ မှတ်ဖြင့် တတိယနေရာတို့တွင် အသီးသီး ရပ်တည်ထားနိုင်ခဲ့သည်။
မြန်မာနေရှင်နယ်လိဂ်ပွဲစဉ် ၇ ပွဲပြီးရလဒ်များ
- ဧရာဝတီ ၂-၀ ဟော်ရဇွန်
- ရန်ကုန် ၃-၁ ရခိုင်
- ရှမ်းယူနိုက်တက် ၁-၁ ချင်းယူနိုက်တက်
- ဇေယျာရွှေမြေ ၂-၁ မကွေး
- ဇွဲကပင် ၁-၁ ရတနာပုံ
- ဆောက်သမ်းမြန်မာ ၀-၀ ဟံသာဝတီ
မဇ္ဈိမသတင်း by mizzima
Originally published at - http://mizzimaburmese.com/article/11542
No comments:
Post a Comment