ဖေဖေါ်ဝါရီ ၂၁၊ ရန်ကုန်
မြန်မာနိုင်ငံတွင် အိမ်ရှင် အဖြစ် လက်ခံ ကျင်းပမည့် ၂၀၁၆ အာဆီယံ အမျိုးသမီး ချန်ပီယံရှစ် ပြိုင်ပွဲ အကြိုပြင်ဆင်မှု အဖြစ် မြန်မာ အမျိုးသမီး လက်ရွေးစင် ဘောလုံး အသင်းသည် ဂျပန်နိုင်ငံသို့ သွားရောက် နေထိုင် လေ့ကျင့်ရန် စီစဉ်ထားသည်။
မြန်မာ အမျိုးသမီး အသင်းကို နည်းပြချုပ် အဖြစ် နယ်သာလန် လူမျိုး နည်းပြ ရော်ဂျာ ရိုင်နာ တာဝန်ယူ ကိုင်တွယ်နေ ပြီး အာဆီယံ ပြိုင်ပွဲ မတိုင်မှီ ဂျပန်နိုင်ငံတွင် နှစ်ပတ်ခန့် သွားရောက် လေ့ကျင့်ရန် စီစဉ် ထားခြင်း ဖြစ်သည်။
“ကျွန်တော်တို့ နည်းပြ ရော်ဂျာ မရောက် လာခင် ကတည်းက ပြည်ပနိုင်ငံ တစ်ခုကို သွားလေ့ကျင့်ဖို့ စီစဉ်ထား တာပါ။ တရုတ်၊ ဂျပန် ဘောလုံး အဖွဲ့ချုပ်တွေနဲ့ ညှိုနှိုင်းပြီး အခု ဂျပန်ကို သွားဖို့ ရွေးချယ် ခဲ့တာပါ။
သွားမယ့် ကာလတော့ မသတ်မှတ် ရသေးပါဘူး။ နှစ်ပတ် လောက်တော့ နေဖို့ ရှိပါတယ်။
ဂျပန်ကလပ် အသင်း အချို့နဲ့ခြေစမ်း ဖို့လည်း ရှိပါတယ်။”ဟု မြန်မာ အမျိုးသမီး လက်ရွေးစင် ဘောလုံးအသင်း နည်းစနစ် ဒါရိုက်တာ ဦးအေးမောင်ကြီးက ပြောသည်။
မြန်မာ အမျိုးသမီး အသင်းမှာ အာဆီယံ အမျိုးသမီး ချန်ပီယံရှစ် ပြိုင်ပွဲတွင် ချန်ပီယံ နှစ်ကြိမ် ဖြစ်ဖူးပြီး ဒုတိယ သုံးကြိမ် ရဖူးသည်။ မြန်မာ အမျိုးသမီး အသင်း နောက်ဆုံး ချန်ပီယံ ဖြစ်ခဲ့သောနှစ်မှာ ၂၀၀၇ ခုနှစ် ဖြစ်ပြီး ကိုးနှစ် အတွင်း ချန်ပီယံဆု ထပ်မံ ရယူနိုင်ခြင်း မရှိတော့ပေ။
မဇ္ဈိမသတင်း by mizzima
Originally published at - http://mizzimaburmese.com/article/11467
No comments:
Post a Comment