မတ် ၁၆၊ ရန်ကုန်
စစ်ကိုင်းတိုင်း ဒေသကြီး ကိုယ်စားပြု ဇေယျာရွှေမြေ အသင်းမှာ မြန်မာ နေရှင်နယ်လိဂ် ရာသီဝက် အပြောင်းအရွှေ့ ဈေးကွက်တွင် နိုင်ငံခြားသား တိုက်စစ်မှူး တစ်ဦးခေါ်ယူ အားဖြည့်ရန် စီစဉ်နေသည်။
ဇေယျာရွှေမြေ အသင်းမှာ လက်ရှိ အချိန်တွင် နိုင်ငံခြားသား ကစားသမားများ အဖြစ် အင်ဒိုနီးရှား နောက်ခံလူ ဒီဒီ၊ နိုက်ဂျီးရီးယား နောက်ခံလူ အီဘရာဟင်နှင့် ကော်စတာရီကာ တိုက်စစ်မှူး ဗစ်တာတို့ကို ခေါ်ယူ အားဖြည့် ထားသော်လည်း ရလဒ်များ ဆိုးရွားနေ သဖြင့် ကစားသမား ထပ်မံအားဖြည့်ရန် စီစဉ်နေခြင်း ဖြစ်သည်။
နိုင်ငံခြားသား တိုက်စစ်မှူး ခေါ်ဖို့ အသင်းဘုတ် အဖွဲ့ကို တင်ပြပြီး ပါပြီ။ လက်ရှိ ကစားသမားတွေ ထဲကလျှော့မလား၊ ကစားသမားသစ် ခေါ်မလား ဆိုတာ မဆုံးဖြတ် ရသေးပါဘူး။ ပြည်တွင်း ကစားသမားတွေ ထဲကလည်း ခေါ်ယူဖို့ ဆက်သွယ် ထားတာတွေ ရှိပါတယ်။ ဟု ဇေယျာရွှေမြေ အသင်း မီဒီယာ တာဝန်ခံ ကိုကျော်ကျော်မိုးက ပြောသည်။
ဇေယျာရွှေမြေ အသင်းမှာ ယခုနှစ် ဘောလုံးရာသီ အစပိုင်းတွင် ရလဒ်များ ကောင်းမွန်ခဲ့သော်လည်း နောက်ပိုင်းတွင် ရလဒ် ဆိုးရွားလာကာ နောက်ဆုံး သုံးပွဲဆက် ရှုံးနိမ့်ထားသည်။
ရာသီဝက် အပြောင်းအရွှေ့ ဈေးကွက် အတွင်း ဇေယျာရွှေမြေ အသင်းမှ လက်ရွေးစင် ကစားသမား ရန်နိုင်ဦး မှာလည်း အသင်းပြောင်းရွှေ့မည်ဖြစ်သည်။
မဇ္ဈိမသတင်း by ရဲရင့်ဋ္ဌေး
Originally published at - http://mizzimaburmese.com/article/12397
No comments:
Post a Comment