မတ် ၁၃၊ လန်ဒန်
ချယ်လ်ဆီး တိုက်စစ်မှူး ဒီယေဂို ကော်စတာက အဲဗာတန် ကွင်းလယ် ကစားသမား ဂါရတ် ဘယ်ရီကို ကိုက်ခဲ့ခြင်း မရှိကြောင်း ပြောဆို လိုက်သည်။
ချယ်လ်ဆီး အသင်းက အဲဗာတန် အသင်းကို ၂-၀ ဂိုးဖြင့် ရှုံးနိမ့်ခဲ့သော အက်ဖ်အေ ဖလား ကွာတား ဖိုင်နယ်ပွဲစဉ်တွင် ချယ်လ်ဆီး တိုက်စစ်မှူး ဒီယေဂို ကော်စတာသည် ပြိုင်ဘက် ကွင်းလယ် ကစားသမား ဘယ်ရီကို ကိုက်ခဲ့သည့် မှတ်တမ်း ဓာတ်ပုံများ ပေါ်ထွက် လာခဲ့သည်။
ဓာတ်ပုံများမှာ သဲကွဲခြင်း မရှိသော်လည်း ကော်စတာမှာ ဘယ်ရီ၏ လည်ပင်းကို ကိုက်နေသည့် ပုံပေါ်လျက်ရှိသည်။
ထို့ကြောင့် ကော်စတာကို ဆွာရက်ဇ် လက်သစ်ဟု ခေါ်ဝေါ်လျက် ရှိနေကြသည်။ ကော်စတာသည် ထိုပွဲစဉ်တွင် ဘယ်ရီနှင့် အချင်းများ ခဲ့ပြီး ပွဲချိန် ၈၄ မိနစ်တွင် နှစ်ဝါ တစ်နီဖြင့် ပြိုင်ပွဲမှ ထုတ်ပယ် ခံခဲ့ရသည်။ ကော်စတာကမူ ဘယ်ရီကို ကိုက်ခဲ့ခြင်း မရှိကြောင်း ပြောဆို ထားသည်။
ချယ်လ်ဆီး အသင်း၏ ပြောရေး ဆိုခွင့်ရှိသူ တစ်ဦးက “ဘယ်ရီနဲ့ ပြဿနာ ဖြစ်ခဲ့ပြီး အနီကတ်ပြသ ခံခဲ့ရတဲ့ အတွက် နောင်တ ရမိကြောင်း ကော်စတာက အသင်း တာဝန်ရှိ သူတွေကို ပြောခဲ့ ပါတယ်။
ဒါပေမဲ့ ကော်စတာက ဘယ်ရီရဲ့ ဘယ်နေရာကိုမှ ကိုက်ခဲ့ခြင်း မရှိခဲ့ဘူး ဆိုတာ ရှင်းပါတယ်” ဟု ပြောသည်။
လီဗာပူးလ် တိုက်စစ်မှူးဟောင်း ဆွာရက်ဇ်သည် ၎င်း၏ ကစားသမား ဘ၀တွင် သုံးကြိမ် ကိုက်ခဲ့ဖူးပြီး ချယ်လ်ဆီး နောက်ခံလူ အိုင်ဗန်နိုဗစ်ခ်ျကို ကိုက်ခဲ့သည့် အတွက် ၁၀ ပွဲ ပွဲပယ်ပြစ်ဒဏ် ကျခံ ခဲ့ရဖူးသည်။
ရည်ညွှန်း ဘီဘီစီ
မဇ္ဈိမသတင်း by အောင်ငြိမ်းသွေး
Originally published at - http://mizzimaburmese.com/article/12266
No comments:
Post a Comment