ဧပြီ ၂၃၊ ရန်ကုန်
စက်တင်ဘာ ၁၁ ရက်မှ ၁၉ ရက် အထိ ဗီယက်နမ်နိုင်ငံ၊ ဟနွိုင်းမြို့တွင် ကျင်းပမည့် ၂၀၁၆ အာဆီယံ ယူ - ၁၉ ချန်ပီယံရှစ် ဘောလုံး ပြိုင်ပွဲတွင် မြန်မာယူ - ၁၉အသင်းမှာ ထိုင်း၊ သြစတြေးလျ စသည့် အင်အားကြီးနိုင်ငံများနှင့် တစ်အုပ်စုတည်း ကျရောက်နေသည်။
မြန်မာယူ-၁၉အသင်းမှာ အုပ်စု(ခ)တွင် ထိုင်း၊ သြစတြေးလျ၊ လာအို၊ ကမ္ဘောဒီးယားအသင်းများနှင့်ကျရောက်နေသည့်အတွက် အုပ်စုအဆင့်ကို ကျော်ဖြတ်ရန် ခက်ခက်ခဲခဲရုန်းကန်ရဖွယ်ရှိသည်။
အာဆီယံချန်ပီယံရှစ်ပြိုင်ပွဲဝင်မည့် မြန်မာယူ-၁၉အသင်းကို လက်ရှိအချိန်တွင် ဖွဲ့စည်းရခြင်းမရှိသေးပဲ နည်းပြချုပ်ရာထူးအတွက် နေပြည်တော်နည်းပြ ဦးမျိုးလှိုင်ဝင်းကို ကမ်းလှမ်းထားသည်။
မြန်မာယူ-၁၉အသင်းမှာ ပြီးခဲ့သည့်နှစ် အာဆီယံယူ-၁၉ချန်ပီယံရှစ်ပြိုင်ပွဲတွင် ဆီမီးဖိုင်နယ်အဆင့်သို့ တက်ရောက်နိုင်ခြင်းမရှိပဲ အုပ်စုနောက်ဆုံးပွဲတွင် ဗီယက်နမ်ကို ရှုံးကာ အုပ်စုအဆင့်မှထွက်ခဲ့ရသည်။
၂၀၁၆ အာဆီယံယူ-၁၉ချန်ပီယံရှစ်ပြိုင်ပွဲအတွက် မြန်မာယူ-၁၉အသင်းမှာ ပြင်ဆင်ချိန် သုံးလခန့်သာရထားပြီး ပြင်သစ်နိုင်ငံတွင် သွားရောက်နေထိုင်လေ့ကျင့်ရန်လည်း စီစဉ်ထားသည်။
မဇ္ဈိမသတင်း by ရဲရင့်ဋ္ဌေး
Originally published at - http://mizzimaburmese.com/article/13480
No comments:
Post a Comment