မနေ့ညက ယှဉ်ပြိုင် သွားတဲ့ ပရီးမီးယားလိဂ် ပွဲစဉ် aတွမှာ လီဗာပူးနဲ့ မန်စီးတီးတို့ အသီးသီး အနိုင်ရ သွားပါတယ်။ လီဗာပူးက အိမ်ကွင်းမှာ ဟားစီးတီးကို ၅ ဂိုး ၁ဂိုးနဲ့ အနိုင် ရတာပါ။
လီဗာပူး အတွက် အနိုင် ဂိုးတွေကို လာလာနာ၊ မာနီ၊ ကော်တင်ဟိုနဲ့ မေနာက ၂ ဂိုး သွင်းယူ ပါတယ်။
ဟားစီးတီးက ၂၉ မိနစ်မှာတင် တယောက်အထုတ်ခံရပြီး လီဗာပူးကို မယှဉ်နိုင် ဖြစ်ခဲ့ပါတယ်။ လီဗာပူးအတွက်တော့ ၃ ပရီးမီးယားလိဂ်မှာ ၃ ပွဲဆက်တိုက် အနိုင်ရတာ ဖြစ်ပါတယ်။ ဒီပွဲနိုင်တဲ့ လီဗာပူးက ၁၃ မှတ်နဲ့ အဆင့် ၄ နေရာမှာ ရှိနေပါတယ်။
မန်စီးတီးကလည်း အဝေးကွင်းမှာ ဆွမ်ဆီကို ၃ ဂိုး ၁ဂိုးနဲ့ အနိုင်ရ သွားပါတယ်။ မန်စီးတီးအတွက် အနိုင်ဂိုးတွေကို အက်ဂူရိုက ၂ ဂိုးနဲ့ စတာလင်းက ၁ ဂိုး သွင်းယူပါတယ်။ မန်စီးတီးဟာ ပရီးမီယားလိဂ်မှာ ၆ ပွဲဆက်တိုက် အနိုင်ရတာ ဖြစ်ပါတယ်။
နိုင်ပွဲဆက်တဲ့ မန်စီးတီးဟာ ၁၈ မှတ်နဲ့ အမှတ်ပေးဇယားထိပ်ဆုံးမှာ ရပ်တည်နေပါတယ်။
From : ဒီဗွီဘီ
Originally published at - http://burmese.dvb.no/archives/169770
No comments:
Post a Comment